قصيدة ما تطيب جروحها | الرادود الحسيني الميرزا : مجتبى آل يوسف .

Описание: ٣٠٣- استشهاد السيدة الزهراء
ـــــــــ صلوات الله عليها ــــــــ


بعد زينب ماتطيب جروحها
عايش امصاب الزچیه بروحها

شقد عزيزه الام خصوصاً فاطمه
چانت اعلیها مثل ظل السمه
فارقتها وتجري دمعتها دمه
چالیمامه امکسرات اجنوحها

ابلايه اُم البيت چنه مقبره
وقلب زينب عالفقد شيصبره
من يمر طاري ضلوع مكسره
زينب اتهد الرواسي ابنوحها

محد ايعوّض مكان الوالده
وزينب الليله حزينه وفاقده
وسط محراب الزچیه قاعده
وتشعر بذاك الحنان يلوحها

الوالده بالبيت صمّام الامان
رأفه تترس بيتها ورحمه وحنان
والزچیه تحت رجليها الجنان
بأمر من قدّوسها وسبّوحها

زينب ابعمر الورد واتيتمت
اسنين خمسه وعين فاطم غمضت
فوضت لله امرها وسلمت
وبالحزن صارت ليالي اصبوحها

ما اقولن زينب شرايح تشوف
هناك لمن تعتني الوادي الطفوف
جسم ابو السجاد مابين السيوف
تنادي خويه ومايفز مذبوحها

ابعين زينب باب محروق انرسم
وكبر مسمار الضلع اصبح سهم
ونار باب الدار وصلت للخيم
وروس اهلها امعلقه برموحها

عفيه قلب الحره شايل چم جرح
كل اهلها امخضبه ابوادي الذبح
وتنظر اشچم راس غالي عالرمح
بكربله اتهدمت كل صروحها

فراس المحمداوي
١ ربيع الآخر ١٤٤٧ هـ