မြန်မာက အာဖဂန်နဲ့ ကစားရမယ့် အာရှဖလားခြေစစ်ပွဲကို ဘင်္ဂလားဒေ့ရှ်မှာ မကန်နိုင်ဘူးလို့ ငြင်းလိုက်ပြီ

Описание: မြန်မာက အာဖဂန်နစ္စတန်နဲ့ ကစားရမယ့် အာရှဖလားခြေစစ်ပွဲကို ဘင်္ဂလားဒေ့ရှ်မှာ မကန်နိုင်ဘူးလို့ ငြင်းလိုက်ပြီ
----------------------------------
အာဖဂန်နစ္စတန်နဲ့ မြန်မာတို့ ယှဉ်ပြိုင်ကစားရမယ့် အာရှဖလားခြေစစ်ပွဲကို အာရှဘောလုံးအဖွဲ့ချုပ်(AFC)ဘက် ဘင်္ဂလားဒေ့ရှ်နိုင်ငံ၊ ဒါကာမြို့မှာကစားဖို့ စီစဉ်ပေးထားပေမယ့် ဘင်္ဂလားဒေ့ရှ်မှာဆိုရင် အဲ့ဒီပွဲကို မကစားနိုင်ဘူးလို့ မြန်မာဘက်က ငြင်းလိုက်ကြောင်း Dhaka Tribune သတင်းဌာနက ရေးသားလိုက်ပါတယ်။ ဘင်္ဂလားဒေ့ရှ်ကို ကြားကွင်းအဖြစ် ထားရှိပြီး ကျင်းပမယ်ဆိုရင် အဲ့ဒီပွဲစဉ်ကို မကစားနိုင်ဘူးလို့ မြန်မာဘက်က ငြင်းဆိုလိုက်တာနဲ့ပတ်သက်ပြီး ဘင်္ဂလားဒေ့ရှ်ဘောလုံးအဖွဲ့ချုပ် (BFF) ဘက်ကလည်း ပြန်လည် ကန့်ကွက်လိုက်ပါတယ်။ အာဖဂန်နစ္စတန်ရဲ့အိမ်ကွင်းပွဲစဉ်အဖြစ် ကစားရမယ့် အာဖဂန်နစ္စတန်နဲ့ မြန်မာတို့ရဲ့ အာရှဖလားခြေစစ်ပွဲကို လာမယ့် နိုဝင်ဘာလ ၁၈ ရက်နေ့ရောက်ရင် အာဖဂန်နစ္စတန်ရဲ့အိမ်ကွင်းအဖြစ် ဘင်္ဂလားဒေ့ရှ်နိုင်ငံ၊ ဒါကာမြို့မှာ ယှဉ်ပြိုင်ကစားစေမယ့်လို့ အာရှဘောလုံးအဖွဲ့ချုပ်ဘက်က ထုတ်ပြန်ကြေညာလိုက်ပြီးတဲ့နောက် မြန်မာဘက်က ဘင်္ဂလားဒေ့ရှ်မှာဆိုရင် မကစားနိုင်ဘူးလို့ ငြင်းဆိုလိုက်တာဖြစ်ပါတယ်။ သယ်ယူပို့ဆောင်ရေးနဲ့ အချိန်အခက်အခဲတွေကြောင့် ဘင်္ဂလားဒေ့ရှ်မှာ အခုခြေစစ်ပွဲကို သွားကစားဖို့ အဆင်မပြေနိုင်ကြောင်း မြန်မာဘောလုံးအဖွဲ့ချုပ်ဘက်က အကြောင်းပြလိုက်တယ်လို့ Dhaka Tribune သတင်းဌာနက အသိပေးထားပါတယ်။ မြန်မာဘောလုံးအဖွဲ့ချုပ် (MFF) က ဘင်္ဂလာားဒေ့ရှ်နိုင်ငံ၊ ဒါကာမြို့က ဘတ်စ်ဟန်းဒ်ဟာရာကင်းစ် အေရီနာ ဘောလုံးကွင်းကြီးမှာ နိုဝင်ဘာလ ၁၈ ရက်နေ့ရောက်ရင် ယှဉ်ပြိုင်ရမယ့် အာဖဂန်နစ္စတန်နဲ့ မြန်မာတို့ရဲ့အာရှဖလားခြေစစ်ပွဲအတွက် လိုအပ်တဲ့ ခရီးသွားလာမှုနဲ့ ပြိုင်ပွဲအတွက် ပြင်ဆင်မှုတွေ ဆောက်ရွက်ဖို့ အချိန်မလုံလောက်ကြောင်း အာရှဘောလုံးအဖွဲ့ချုပ်ဆီ အကြောင်းကြားထားလိုက်ပြီလို့ Dhaka Tribune သတင်းဌာနက ဖော်ပြထားပါတယ်။ ပထအကျော့ပွဲစဉ် ယှဉ်ပြိုင်ကစားတုန်းက မြန်မာဟာ ကိုယ့်ကွင်း ကိုယ့်ပရိသတ်ရှေ့မှောက်မှာ အာဖဂန်နစ္စတန်ကို ၂ ဂိုး ၁ ဂိုးနဲ့ အနိုင်ရရှိခဲ့ပါတယ်။