HIMIG NG PAG-IBIG - Lyrics: AG & DM | Vocals: AI Suno

Описание: Inihahandog ng...
𝗧𝗶𝗻𝘁𝗮 𝗟𝗲𝘁𝗿𝗮 𝗕𝘂𝗵𝗮𝘆 𝗮𝘁 𝗧𝘂𝗴𝗺𝗮

💘 TLBAT’s FEB-IBIG KOLABORASYON 💘

"Himig ng Pag-ibig" isang kanta, isang kwento, isang damdamin na walang hanggan. Hayaang magsalita ang puso sa pamamagitan ng musika.

Maligayang Araw ng mga Puso po sa ika-14 ng Pebrero, 2026

HIMIG NG PAG-IBIG
Lyrics: AG & DM
Vocals: AI Suno
Larawan: Astrild Lee Littérateur

Verse 1

Paano nga ba magmahal sa mundong salat sa pahinga?
Sa pusong takot masugatan, ngunit sabik na umaasa.
Ito ba’y tahimik na paghahandog ng buong kaluluwa,
O himig na sumisibol kahit may luha sa mata?

Pre-Chorus

Sa pagitan ng kaba at mga pangamba,
May munting tinig na bumubulong ng mga salita.
Marahang kumakatok, ang puso kong sa iba ay nagkukubli,
Ngunit sa’yo lang pala gustong magbukas muli

Chorus

Pag-ibig ay namumukadkad sa gitna ng dilim,
Parang awit na dahan-dahang umaangkin.
Saksi ang langit sa pagmamahal ko sa’yo,
Bawat tibok at pawang totoo.

Verse 2

Kahit may takot, kahit may luha,
Ikaw ang himig ng pag-ibig ko sinta.
Aawitin ng may panghahalina,
Hangang pagtagpuin at damdamin natin maging isa.

Pre-Chorus

Kaya kung ang mundo may kulang sa pahinga,
Sa gitna ng pangamba, pag-ibig mo ang siyang kumakalinga.
Kung may luha man at takot na sumisiklab sa dibdib,
Sa piling mo, ang puso’y natutong muling umibig.

Chorus

Pag-ibig ay namumukadkad sa gitna ng dilim,
Parang awit na dahan-dahang umaangkin.
Saksi ang langit sa pagmamahal ko sa’yo,
Bawat tibok at pawang totoo.


Bridge (Jazz breakdown feel)

Kung mundo ma’y magbago,
At ang ulan ay bumuhos,
Sa ilalim ng iisang payong,
Tayo’y mananatiling matatag.
Sa bawat lungkot ng gabi,
Ikaw ang ilaw kong kay tamis,
Sa kumpas ng ating paghinga,
Pag-ibig ay di magmamaliw.
At kung sakaling manghina,
Ako’y sasabay sa iyong himig, sinta.

Final Chorus

Pag-ibig ay namumukadkad sa gitna ng dilim,
Ikaw ang dahilan ng bawat awiting lihim.
Saksi ang langit, saksi ang bituin,
Ikaw ang pangarap na nais kong angkinin.
Kahit magbago ang ihip ng hangin,
Mananatili ang pintig natin.
Oh sinta…
Ikaw ang himig…
Ikaw ang himig ng pag-ibig…
Ng pag-ibig ko.

Outro

Sa bawat nota ng ating kuwento,
Pag-ibig ay patuloy na aawit sa puso.
Hanggang sa huli mong pagbulong,
Ikaw pa rin… ang pipiliin ko.

Maaaring panoorin ang music video sa YouTube Channel ni Astrild Lee Littérateur:

Astrildlee08