ဒုတိယကမ္ဘာစစ်ရဲ့ ဝိဉာဉ်တွေရဲ့ ခြောက်လှန့်မှုနဲ့ ခံတပ်ဟောင်း - Penang War Museum - Scary Sunday

Описание:   / storybearsmm  
  / storybearsmm  
  / storybearsmm  
https://t.me/StoryBearsMM

အရှေ့တောင်အာရှမှာ အကြီးမားဆုံးခံတပ်ဟောင်းတစ်ခုဖြစ်တဲ့ မလေးရှားနိုင်ငံက Batu Maung ခံတပ်ဟာ သရဲတစ္ဆေခြောက်လှန့်မှုတွေ အများကြီးရှိတဲ့ ခံတပ်တစ်ခုလို့ နာမည်ကြီးပါတယ်။ ဒီခံတပ်မှာ တပ်စွဲခဲ့တဲ့ ဂျပန်စစ်ဗိုလ်မှူးတစ်ယောက်ရဲ့ ဝိဉာဉ်အပါအဝင် ဂျပန်စစ်သားတွေရဲ့ ညှဉ်းပန်းနှိပ်စက်မှုကြောင့် ကွယ်လွန်ခဲ့ရတဲ့ စစ်သုံ့ပန်းတွေရဲ့ မကျွတ်မလွတ်သေးတဲ့ ဝိဉာဉ်တွေက ဒီနေရာမှာ ခြောက်လှန့်နေဆဲလို့ ဒေသခံတွေက ယုံကြည် ကြပါတယ်။ ဒီခံတပ်နေရာဟာ အခုဆိုရင်တော့ ပြတိုက်ကြီးတစ်ခုအဖြစ် ပြောင်းလဲထားတာဖြစ်လို့ စစ်သမိုင်းကို စိတ်ဝင်စားသူတွေရော သရဲတစ္ဆေကို စိတ်ဝင်စားသူတွေရော လာရောက်လည်ပတ်ပြီး သွေးတိုးစမ်းကြတဲ့ နေရာတစ်ခုအဖြစ် နာမည်ကြီးပါတယ်။ ဒီကနေ့ ကျွန်တော်တို့ရဲ့ Scary Sunday အစီအစဉ်ကနေပြီးတော့ ဒီခံတပ်အကြောင်းကို ပြောပြပေးသွားမှာ ဖြစ်ပါတယ်ခင်ဗျာ။

Introduction

ပထမဦးဆုံးအနေနဲ့ ဒီခံတပ်မှာ တွေ့ကြုံရတယ်ဆိုတဲ့ အကြောင်းအရာတွေကို မပြောခင်မှာ ခံတပ်ရဲ့ သမိုင်းကြောင်းကို ပြောပြဖို့ရာ လိုမယ်လို့ ထင်ပါတယ်ခင်ဗျာ။
Batu Maung Fort Batu Maung ခံတပ်ဟာဆိုရင် မလေးရှားနိုင်ငံ ပီနန်းကျွန်းတောင်ပိုင်းအစွန်မှာရှိတဲ့ ခံတပ်ကြီးတစ်ခုဖြစ်ပါတယ်။ ဗြိတိသျှအစိုးရက အရှေ့တောင်အာရှနဲ့ ကမ္ဘာ့နိုင်ငံနေရာအများအပြားကို ကျူးကျော် သိမ်းပိုက်ခဲ့ပြီး သူတို့ရဲ့ နေမဝင်အင်ပါယာကို ထူထောင်ခဲ့စဉ်ကာလအတွင်း ၁၉၃၀ ခုနှစ်လောက်မှာ ဒီခံတပ်ကို ဆောက်ခဲ့တာ ဖြစ်ပါတယ်။ အဓိက ရည်ရွယ်ချက်ကတော့ ကမ္ဘာ့အရှေ့ဖက်ခြမ်း၊ အရှေ့တောင်အာရှ၊ တောင်အာရှ သူတို့ကိုလိုနီတွေကနေ ဗြိတိသျှကို ကုန်စည်အသွားအလာစီးဆင်းမှုတွေကို စောင့်ကြပ်နိုင်ဖို့ ရည်ရွယ်ချက်နဲ့ ဒီခံတပ်ကြီးကို တည်ဆောက်ခဲ့တာ ဖြစ်ပါတယ်။ သူတို့ ဒီခံတပ်ကိုဆောက်ဖို့အတွက် ဗြိတိသျှငွေ ပေါင် သန်းလေးဆယ်လောက် သုံးခဲ့ရတယ်လို့ ဆိုပါတယ်။ တကယ့်ကိုမှ ဧရာမ ခံတပ်ကြီးတစ်ခုပေါ့လေ။ ဒါပေမယ့် ဒီခံတပ်ကြီးကို စဆောက်ကတည်းကကို ရက်စက်မှုတွေ လူသားမဆန်မှုတွေနဲ့ စတင်ခဲ့တယ်လို့ ပြောမယ်ဆိုရင် မှားမယ်မထင်ပါဘူး။

အကြောင်းက ဒီခံတပ်ကို ဆောက်တဲ့အချိန်မှာ ဗြိတိသျှကိုလိုနီတွေဟာ အိန္ဒိယနိုင်ငံက သေဒဏ်ကျခံနေရတဲ့ အကျဉ်းသားတွေကို သုံးပြီးတော့ တည်ဆောက်ခဲ့တာဖြစ်ပါတယ်။ ဘယ်လိုဘယ်ပုံပြောပြီးတော့ ဒီအကျဉ်းသား တွေကို အိန္ဒိယကနေ မလေးရှားနိုင်ငံ ပီနန်းကျွန်းကို သယ်လာတယ်ဆိုတာ မသိရပေမယ့် သေချာတာကတော့ ဒီအကျဉ်းသားတွေဟာ ဒီခံတပ်ကို တည်ဆောက်နေခဲ့စဉ်အချိန်ကာလမှာ ဘာလုပ်ခလစာမှ ရခဲ့မှာ မဟုတ်ဘူး ဆိုတာကတော့ ငြင်းမရတဲ့ အချက်တစ်ခုဖြစ်ခဲ့မှာပါ။

ဒီခံတပ်တည်နေရာဟာ ပီနန်းကျွန်းရဲ့ တောင်ဘက်ခြမ်းအစွန်ဆုံးနေရာက ကျွန်းစွယ်နေရာက တောင်ပေါ်မှာ တည်ရှိတာ ဖြစ်ပါတယ်။ ဒီခံတပ်ကို တည်ဆောက်တဲ့အခါမှာ ခံတပ်နေရာကနေ ပင်လယ်ထဲကို ဆီးပြီးတော့ လှမ်းမြင်နေရအောင် တည်ဆောက်ထားခဲ့သလို မြေအောက် လိုဏ်ဂူဥမင်တွေ အမြောက်ပစ်ဖို့နေရာတွေ အစရှိသဖြင့် ထုထည်ကြီးကြီးမားမား တည်ဆောက်ခဲ့တာဖြစ်ပါတယ်။ တချို့လိုဏ်ဂူဥမင်တွေဟာဆိုရင် ပင်လယ်ဝအထိကို ပေါက်တယ်လို့ ဆိုကြပါတယ်။ ဗြိတိသျှစစ်တပ်က သူတို့ရဲ့ သင်္ဘောတွေနဲ့ ရေငုပ်သင်္ဘောတွေ ကမ်းကပ်တဲ့အခါ ဒီဥမင်တွေဆီကနေ တခါထဲ လျှို့ဝှက်သွားလို့ရအောင် စီစဉ်တည်ဆောက်ထားခဲ့တာလို့ ဆိုပါတယ်။ ဒီခံတပ်ကို တည်ဆောက်ဖို့အတွက် အချိန်ကိုးနှစ်လောက် ပေးခဲ့ရတယ်လို့ ဆိုပါတယ်။ ဒီကိုးနှစ်တာ ကာလမှာ ဆောက်လုပ်ရေးကို လုပ်ခဲ့ကျတဲ့ အကျဉ်းသားအရေအတွက် ဘယ်လောက်က ကွယ်လွန်ခဲ့တယ်ဆိုတဲ့ အချက်အလက်တွေက မှတ်တမ်းတင်ထားတာမရှိတော့ သိနိုင်ဖွယ်ရာ မရှိပါဘူး။

ဒီခံတပ်တည်ဆောက်ပြီးစီးသွားတဲ့ အချိန်မှာ ဗြိတိသျှကိုလိုနီ စစ်တပ်ဟာ ဒီအကျဉ်းသားတွေကို ဒီခံတပ်တည်နေရာကို ပေါက်ကြားမှု မရှိအောင် ဆိုတဲ့ ရည်ရွယ်ချက်နဲ့ ရက်ရက်စက်စက် ကွပ်မျက်ပစ်ခဲ့တာဖြစ်ပါတယ်။

၁၉၄၁ ခုနှစ် ဒုတိယကမ္ဘာစစ်ကာလ ဂျပန်တွေ နယ်ချဲ့လာတဲ့ အခါမှာတော့ ဒီနေရာမှာ တပ်စွဲထားတဲ့ ဗြိတိသျှ စစ်တပ်ဟာ ဆုတ်ခွာခဲ့ရပါတယ်။ အဲ့လို ဆုတ်ခွာတယ်ဆိုတဲ့နေရာမှာလည်း ဂျပန်စစ်တပ်နဲ့ ဗြိတိသျှ စစ်တပ်နဲ့ သူတပြန် ကိုယ်တပြန်ဆော်ကြ တိုက်ခိုက်ကြလို့ စစ်ရှုံးပြီး ပေးလိုက်ရတာမျိုး မဟုတ်ဘူးလို့ဆိုပါတယ်။ အစောက ပြောခဲ့တဲ့အတိုင်း ဒီခံတပ်က ပီနန်းကျွန်းရဲ့ တောင်ပိုင်းကျွန်းစွယ်မှာ တည်ထားတာဖြစ်ပါတယ်။ ဗြိတိသျှတွေက ဂျပန်တွေက ဒီတောင်ဘက်ပိုင်းကပဲလာမယ်လို့ တစ်ထစ်ချယုံကြည်ပြီး သေချာစောင့်ကြည့်နေကြပေမယ့် တကယ်တမ်းကျတော့ ဂျပန်တွေက ကျွန်းမြောက်ဘက်ခြမ်းကနေ ကုန်းလမ်းကနေ ဝင်တိုက်တာလို့ ဆိုပါတယ်။ အဲ့လိုနဲ့ ပီနန်းကျွန်းမြောက်ဘက်ခြမ်းကနေ တောင်ဘက်ခြမ်းကို တဖြည်းဖြည်းချင်းဆင်းတိုက်လာတာမှာ ဂျပန်တွေ ဒီခံတပ်ကို မရောက်ခင်မှာပဲ ဒီနေရာမှာ တပ်စွဲထားတဲ့ ခံတပ်စစ်မှူးက ဒီခံတပ်နေရာကနေ ဆုတ်ခွာခဲ့တယ်လို့ ဆိုပါတယ်။

အဲ့ဒီတော့ ဂျပန်တွေအနေနဲ့ ဒီခံတပ်စစ်စခန်းနေရာကို ကျည်တစ်တောင့်တောင်မှ မပစ်လိုက်ရဘဲ သိမ်းခဲ့တာပေါ့။

#storybears #storybearsmm #myanmar #scarysunday