ბრძოლა გრენლანდიაზე კონტროლისთვის - ტრამპი ევროპის წინააღმდეგ

Описание: ევროპა ამერიკის პრეზიდენტის ბოლო რეზონანსულ გადაწყვეტილებაზე რეაგირებისთვის ემზადება.
22 იანვარს ბრიუსელში ევროპული საბჭოს საგანგებო სამიტი ჩაინიშნა. ბოლო თვეებში ისედაც დაძაბული ტრანსატლანტიკური კავშირი ტრამპის ნაბიჯმა კიდევ უფრო გააუარესა. გრენლანდიის თემა ვაშინგტონ-ბრიუსელის ურთიერთობისთვის მძიმე გამოწვევად იქცა. პირველი თებერვლიდან ამერიკის შეერთებული შტატები ვაჭრობაზე 10%-იან ტარიფს უწესებს ყველა ქვეყანას, რომლებმაც ტრამპის განცხადებების ფონზე გრენლანდიას მხარდაჭერა გამოუცხადეს და კუნძულზე სამხედროები გაგზავნეს. დაანონსებულია ტარიფების კიდევ უფრო ზრდა. დანიის საკუთრებაში არსებული კუნძულის მომავალი ახლა ევროპის დღის წესრიგის მთავარი თემა ხდება - ამერიკის პრეზიდენტის ბოლო ნაბიჯმა დავოსის ეკონომიკური ფორუმის განსახილველი საკითხებიც შეცვალა - უკრაინის ნაცვლად მთავარი თემა გრენლანდიაა, რომელზეც ტრამპი სრული კონტროლის მოპოვებას გეგმავს. მისი გზავნილია, რომ დანიას რუსეთიდან და ჩინეთიდან მომდინარე საფრთხეებისგან კუნძულის დაცვა არ შეუძლია. ახლა მთავარი კითხვაა, როგორ უპასუხებს ნატოს წევრ ქვეყანას ევროკავშირი, რომელიც ამერიკის პრეზიდენტის გადარწმუნებას და მასთან დიალოგს ცდილობს. მუქარად და შანტაჟად შეფასებულ ტარიფებზე ერთ-ერთ საპასუხო ზომად განიხილება იძულების საწინააღმდეგო ინსტრუმენტის, ე.წ. სავაჭრო ბაზუკას გამოყენება, რომელიც ევროკავშირის მხრიდან მკაცრი ეკონომიკური ზომების ამოქმედებას გულისხმობს.
სტრატეგიული მნიშვნელობის კუნძულის მომავალი სტატუსი - შეინარჩუნებს თუ არა დანია ჩრდილოეთის რეგიონზე გავლენას - სალომე თორაძის რეპორტაჟი.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.