Mary Lalparmawii, Hla thar !! THUTHLUNG VANGIN (Lyrics & Slide Video)

Описание: A phuahtu in a hla lo pian chhuah dan a sawi na.

He hla Thuthlung vangin tih hi Kum 2020 kum a Lalpa min pek a ni a, a lo pian chhuah dan chu he tiang hi a ni,thawk khat lai khan social media platform pakhat face book ah hian UPC nula leh tlangval te LPk track a an inkhawm kal tur chuang lai thlalak phak hi a darh chiam mai a, a hman hman khan fiamthu thawh nan nuihzat bur ah ber khan hmangin nasa tak in an edit a hmun hrang hrang a, dah kual in sawi sak kha a tawk nasa em em mai a,mi nuih zat kha a hlawh em em a nih kha,kha thlalak khan ka nuih a ti za ve thei hauh lo mai a,ka rilru a na in hreawm ka ti em em thung a, Thuthlung vanga kan phur ram ka ngaihtuah a, thlarau a awm reng kan nih bik loh a vangin mihring rilru lo chhuak ve in thinrim mai kha a awl em em mai a,nimahsela Thuhrilh atthlak Lalpa Thuthlung kan phurna kawng ah hian heng tih duh dah sawi chhiat nuihzat bur te hi a lo tel vek a,Lalram pan a kal mek Lalpa kohhran te hi nuihzat bur ni mah ila a chanchintha hril tur a, a koh chhuah te kan nih a vangin zam lovin Lalpa tan i pen zel ang u.

Tichuan ka rilru ah sermon lo lut zut zut in Thuthlung a vang a kan tawrh ve na thu hi lehkha puan ka han ziak chhuak ta zung zung nghal a, ka han ziak zo a, sermon a sawi mai chuan rei a daih dawn lo in ka hria a,hla ah chan tir ila a tha tak ang tih ngaihdan ka nei ta a,ka sermon han ziah chhuah a chu hla thu a tan ah ka han kaih tawi leh ta a, a thluk tur hi Lalpa'n min han pe ta nghal bawk a,tichuan ti hian ka han khawr pum ve thei ta a ni.

Unaunu Mary Lalparmawii'n mawi tak mai a min han sak sak hi ka thinlung zawng zawngin a chungah hian lawmthu ka sawi tak meuh meuh a ni.

He hla lo ngaihthlatu a piang te Lalpa'n malsawm zel che u rawh se