შრომის ბაზრის კვლევა

Описание: შრომის, ჯანმრთლობისა და სოციალური დაცვის მინისტრი დავით სერგეენკო ბიზნეს სექტორის წარმომადგენლებს შეხვდა. მხარეებმა განიხილეს შრომის ბაზრის საინფორმაციო სისტემის დანერგვა და განვითარება. მოწვეული სტუმრები საქართველოში არსებული მსხვილი დამსაქმებლები იყვნენ.
შრომის ბაზრის კვლევა მიმდინარე წლის თებერვლიდან მიმდინარეობს, პირველადი მონაცემები კი აპრილში იქნება ცნობილი.
უმუშევრობასთან ბრძოლის მნიშვნელოვან იარაღს შრომის ბაზრის შესახებ ინფორმაციის სისტემატიზაცია და კვლევების ინსტიტუციონალიზმი წარმოადგენს, რაც შესაძლებლობას იძლევა ინფორმაციის ანალიზზე დაყრდნობით მივიღოთ ადექვატური გადაწყვეტილებები, როგორც სამთავრობო პოლიტიკის, ასევე სამუშაოს მაძიებლის დონეზე. კერძოდ, შრომის ბაზრის ანალიზი შესაძლებლობას მოგვცემს გამოვკვეთოთ მოთხოვნადი პროფესიები და კვალიფიკაციები, ბაზრის დინამიკა და განვითარებადი პროფესიები, რაც დაეხმარება მთავრობას განათლების მიზანმიმართული პოლიტიკის ჩამოყალიბებაში, ხოლო სამუშაოს მაძიებელს-კარიერული განვითარების სწორად დაგეგმვაში.