قصيدةالشيخ-علي الربيحي والقضى من ابنه احمدعلي الربيحي رحمةالله عليهم

Описание: يا الله يا الله ياذي مـــــــــــدتك تنــــفع
يا كافي النفس لاما تنزل الساعــــــــــة

سبحان سبحان من له كل شي يخضع
ما طار فالجو إلا ســـــــــــار فالــقاعة

من كف فايض كفى ما قدرته تصنــع
ومن دعاء يسمعه من غير ســماعــة

واجب له الحمد وازن عالـــي الــذرع
يوازن اسبيل واشـعابه على اربــــاعه

ما قال ابو عبدربه داخلي ولـــــــــــــع
والجوف من داخــــله نيـــران قــداعة

وكلما قلت اطفي نـــــــــــــار ذي تولع
فذي يلاصـــــــــــوا نورها ناس خداعه

حيا بمن له سنه غايب وانا اتـــــسمع
ما ليله الا وانا اتوحـــــى له إجزاعه

هو سيري من وهو جاهل صغير ادبع
ولا طلبته يـــــــــــقول السمع والطاعة

واليوم عينه يعاندني ويتـــــــــــــخيجع
ولا ذكر ما مضى وايــــــــــام قطاعة

حيا وصوله ملان الـــــــــدار يـــتوسع
نسمر على اتـــــريك واللمبات ولاعة

حنيت ما ذي يحن الهـــــــــــيج لا ذرع
من جور حمله وجمال الــــبلاء صاعه

ما حنت الشرف والرشاش والــــمدفع
وما تحن الجرامل ذي لهــــــا اسراعه

لا الدانه اتجاوبت بصوات ذي تــفجع
وفلـــــمحـاجـــي دم الصــــفين سجاعة

ابو علي قال لي صابر ســـــــنين اربع
على ذي الـــــقا مـــنازل دورنــا داعة

وكلمــــــــــــا قلت وقف مارضي يهجع
عـــــاده يــــبا الــــوثر مـــتعني بقلاعه

يا احمدعلي صاحــــبك ما طاع يتراجع
لا الشور مجموع ذي يــعجب بفرقاعه

صبرت له صــــبر مر اقير من الدعدع
وانت الــــصديق انته الملزوم بقناعه

ايش السبب للــــــــــــــطبيعه هذه اطبع
ولا احداء كان عندي فالــــعول ساعه

كنت احسبه مثل حيد العـــارضه وارفع
وأعلا من اسبيل مولى اشعاب مناعه

ذيب اذكر ايام فاتـــت كـــنت فيها اجزع
وحن جــــوفي وقــــلبي حن واضلاعه

وذيب ارى الناس حد ينزل وحــــد يطلع
وكـــــــــل واحد مــــسي باكت وقراعة

وحـــــــــــد من الناس فالمنثولي اتولع
ولا عــــــــــــرفنا اي وادي فيه زراعة

لا قد رجال اليمن باحوا لــــــه المصنع
ملــــــــــــعون ذي يشتري منه وبياعه

ذيب اوحي الراديه فالليل تـتـــــــقــعـقع
بـــصوت من له جريمه حان مصراعه

وكل واحد بهذا الـــــــصوت يـــــــتشجع
مـن له عمل شوم يقضا بالعمل ساعه

قم يالرسول المعنى ليلة المخــــــــــــلع
من وادي اخــــضر على بمبات نزاعة

لا تمسي الا المعلق لا انت با تـــــــروع
مع الــــــعول ذي في الجودات نشاعه

لا انته شلي باتصلهم ظهر والا اســـرع
جــــــــباهم العطر ذي معدومه انواعه

واحمد علـــــــــــي جب له ذي فيه يتولع
ابو حنـــــــــــش ذي تغلا فيه صناعه

وقله اوصـــــــــــــــيه لا هو عاقل اتوقع
لا يــــــــــــتبع خطة الشيطان واتباعه

من المصرف وعادك يا صفي تــــــرضع
لو تطـــلب الروح ما قد قلت لك ماعه

والــــــــــــيوم مرتاح وانا عينك اتجعجع
ما هو جزاء من بزا دهفه وصلكاعه

كما بقينا وبالخيرات نـــــــــــــــــــــــتمتع
لا بد ما نــــــــــــــفترق والعين دماعه

لا بد من يوم ياتــــــي فيه نــــــــــــتواع
ما عاد لا الــــــــقبر با تلحقني الطاعه

ونرتــــــــــحل حيث من قد سار ما يرجع
لا ما يـــــــــنادي منادي قامت الساعه

كم يا وكـــــــــم ناس كانوا مثلنا واشجع
واليوم تحـــــــــت الصلايل طيل رماعه

اتفكر الــــــــــــــــعلب لا فالوادي اتـــنبع
يعيــــــــــــش لا ما تحين ايام مقطاعه

يقول ذي من قريش الصمح الـــــصورع
من شرقي اســــبيل ذي للخصم رداعه

من جيش منه حيود الناع تتزعــــــــــزع
وحيد شانق وحيد الـــــــــلب واشراعه

وابن الذهب مـــــــــــقدميهم عز من ربع
مراغة الـــــعرف مولى اقران رفاعه

شـــــــــخب البرد ذي يشل العلب والسفع
لا اوطـت سيوله على حيد البلق زاعه

مخباط من خالف القانــــــــــــــون واتنبع
يسير فالمجــــــــــــتمع به ناس خداعه

اخوة يسيروا ســـــــــوا فالسلم والمقطع
والـــــــــــحق ممنوع يبقى عند طماعه

لا الهــــــــــــج راخي عن الثيران تترادع
ومن نـــــــــــــكع ذل ما فــــاده تنكاعه

والاف صلوا على ذي لــــــــــــــمته يشفع
يملا الـــسماء كلها والارض والقاعه