တောင်ပိုင်းစစ်ဒေသ ထုတ် missile rocket နဲ့တော်လှန်ရေး မဟာမိတ်အဖွဲ့များပစ်ခတ်

Описание: ◼️တောင်သာမြို့နယ် စကစ အထိုင်စခန်းကို ဝင်ရောက်စီးနင်းတိုက်ခိုက်ရာ စကစ ၃ ဦးသေဆုံး

၂၆ ဇန်နဝါရီ ||| နွေဦးအသံ |||

မန္တလေးဒေသ၊ တောင်သာမြို့နယ်ရှိ အကြမ်းဖက်စစ်ကောင်စီရဲ့ ဝဲလောင်တိုက်နယ်စခန်းကို တော်လှန်‌‌‌‌ရေးပူးပေါင်းတပ်ဖွဲ့တွေက ဇန်နဝါရီ ၂၁ ရက်၊ နေ့လယ် ၂ နာရီခန့်မှာ ဝင်ရောက်စီးနင်းတိုက်ခိုက်ခဲ့ရာ စကစတပ်ဖွဲ့ဝင် ၃ ဦးသေဆုံးပြီး အများအပြားထိခိုက်ခဲ့တယ်လို့ သိရပါတယ်။

ဝဲလောင်တိုက်နယ်မှာ အခိုင်အမာ ဘန်ကာ၊ ကတုတ်ကျင်း၊ ဆက်သွယ်ရေးတူးမြောင်းတွေနဲ့ ပြုလုပ်ထားပြီး စကစနဲ့ ပျူ အင်အား ၆၀ ခန့်ရှိ စခန်းတခုကို ဝင်‌ရောက်စီးနင်းတိုက်ခိုက်ခဲ့ရာ Mi 35 ၊ ဂျက်ဖိုက်တာတွေနဲ့ လေကြောင်းပစ်ကူပေးခဲ့တဲ့ကြားက ၂ နာရီခန့် တိုက်ပွဲဖြစ်ပွားခဲ့ပြီးနောက် စကစတပ်ဖွဲ့ဝင် ၃ ဦးသေဆုံးပြီး အများအပြားထိခိုက်ခဲ့တယ်လို့ ဆိုပါတယ်။

အဆိုပါတိုက်ခိုက်မှုကို မြင်းခြံခရိုင် တပ်ရင်း ၃၊ တောင်သာ ပကဖ၊ မြင်းခြံခရိုင် တပ်ရင်း ၃ Drone Team ၊ နေပြည်တော် တပ်ရင်း ၈၀၁၊ မိုးမခ ပြောက်ကျားတပ်ဖွဲ့နဲ့ မိတ္ထီလာ ပကဖ တို့က ပူး‌ပေါင်းဆောင်ရွက်ခဲ့ကြတယ်လို့ တောင်သာ ပကဖ က သတင်းထုတ်ပြန်ထားတာ တွေ့ရပါတယ်။

©The Voice of Spring

#thevoiceofspring #Myanmar
#Mandalay #myanmarrevolution
#WhatsHappeningInMyanmar
#RejectMilitaryCoup #revolution
#PeoplesDefenceForce