Dule: Pa Kryepeshkopin Kisha Ortodokse nuk do ekzistonte. Kikia: Pse nuk duartrokitej Janullatosi

Описание: Kryetari i PBDNJ, Vangjel Dule, i ftuar në emisionin “Open” në News24 ka reflektuar mbi figurën e Kryepeshkopit Anastas, i cili ndërroi jetë disa ditë më parë.
Dule e përshkroi Kryepeshkopin Anastas si një hierark të madh të shekullit të kaluar, duke e cilësuar si figurën më të spikatur të kohës. “Ai ishte në përmasat e një apostulli të kohëve moderne,” tha Dule, duke theksuar ndikimin e thellë që Kryepeshkopi pati në shoqëri.
Fjala dhe vepra e tij preku individë dhe komunitete, duke ndikuar në dogma dhe teori që përfshinin të gjitha sferat e jetës. “Nuk ishte thjesht një njeri i Kishës dhe teologjisë; ai kishte një ndikim të gjerë në shoqëri dhe kulturë,” përfundoi Dule, duke nënvizuar rëndësinë e trashëgimisë së Kryepeshkopit Anastas në histori.
At Grigor Pelushi, i ftuar në studion e emisionit “Open”, ka zbuluar detaje mbi procesin që do të ndjekë Kisha Ortodokse Autoqefale e Shqipërisë për zgjedhjen e Kryepeshkopit të ri, pas ndarjes nga jeta të Kryepeshkopit Anastas.
Sipas At Grigor Pelushit, procesi do të kryhet përmes një procedure të qartë dhe të strukturuar. “Vendi vakant nuk mund të mbetet pafundësisht. Gjatë kësaj periudhe tranzicioni, Sinodi i Shenjtë do të mblidhet dhe do të zgjedhë Kryepeshkopin e ri,” deklaroi ai.
Procedura për zgjedhjen e Kryepeshkopit kalon disa faza të rëndësishme. “Sinodi dhe një takim kleriko-laik do të propozojnë emra. Më pas, përmes votimit, do të vendoset kush do të jetë Kryepeshkopi i ardhshëm,” shpjegoi At Grigori.
Teologu Miron Çako, i ftuar në emisionin “Open,” ka diskutuar mbi trashëgiminë e Kryepeshkopit Anastas, i cili ndërroi jetë disa ditë më parë.
Çako nënvizoi origjinën e Kryepeshkopit, duke përmendur se nëna e tij ishte epirote nga fisi i njohur Malltezi, çka e bënte atë gjysmë shqiptar. “Ai erdhi këtu pas një karriere të shkëlqyer akademike, e cila është e hulumtueshme nga të gjithë,” shpjegoi ai.
Sipas tij, Kryepeshkopi Anastas ishte një njeri me një inteligjencë të jashtëzakonshme dhe një përulësi të veçantë. “Në përulesinë e tij, ai iu fut teologjisë, pavarësisht se ishte një gjeni në matematikë. U bë një profesor doktor në universitetet teologjike, me shumë tituj,” theksoi ai.

Çako theksoi se Kryepeshkopi bëri një revolucion në Kishën Ortodokse gjatë kohës së tij në Greqi, duke sjellë një porosi të humbur që kërkonte t’i japë jetë mësimeve të Krishtit. “Ai dëshiroi të sjellë frymën apostolike: ‘Shkoni në të gjithë kombet dhe predikoni fjalën e mirë,'” sqaroi teologu.

Ai e përshkroi Kryepeshkopin si një figurë që arriti të ringjallte kishat në zona të vështira, si Afrika, dhe pati shumë rezultate pozitive. “Mund të themi se figura e tij është një nga më të shkëlqyerat në këtë kohë, dhe shumë njerëz në botë e shikonin atë si një njeri të mendjes, ndërsa fjalët e tij ishin etalon,” përfundoi Çako.
At Grigor Pelushi i ftuar në studion e emisionit Open ka treguar se çfarë do të ndodhë në ceremoninë e varrimit të Kryepeshkopit të ndjerë Anastas, i cili u nda nga jeta vetëm pak ditë më parë.
“Sapo trupi të mbërrijë, do të vendoset në pjesën e brendshme të katedrales, ku do të kryhet shërbesa e përshpirtjes,” tha Pelushi. Ai njoftoi gjithashtu se në këtë ceremoni do të jenë të pranishëm figura të rëndësishme nga bota e krishterë, përfshirë Patriarkun e Kostandinopojës dhe Patriarkun e Aleksandrisë, si dhe Kryepeshkopët e Qipros dhe të Greqisë.
Ceremonia do të përfshijë gjithashtu përfaqësues nga Vatikani, Këshilli Botëror i Kishave dhe Këshilli Evropian i Kishave. “Tirana do të jetë qendra e gjithë botës së krishterë në atë ditë, kur do të përcillet Kryepeshkopi,” përfundoi ai.
“Trupi do të mbërrijë në Tiranë dhe do të pritet nga gjithë kleri dhe populli besimtar i vendit. Trupi do të vendoset në pjesën e brendshme të katedrales dhe do të kryhet shërbesa e përshpirtjes.

Patriarku i Kostandinopojës, Patriarku i Aleksandrisë ka konfirmuar se do të jetë po ashtu në ceremoni, Kryepeshkopi i Qipros, i Greqisë. Do të ketë përfaqësi nga Vatikani dhe një nga Këshilli Botrëor i Kishave dhe Këshilli Evropian i Kishave. Tirana do të jetë qendra e gjithë botës së krishterë në atë ditë, kur do të përcillet Kryepeshkopi”, u shpreh ai.
#KryepeshkopAnastas #TrashëgimiaShpirtërore #CeremoniaMadhështore #BotaEKrishterë #SinodiIShenjtë #Teologjia #RingjalljaEKishave #Tirana #FiguraHistorike #OpenNews24