#Yakinaran

Описание: Yakinaran | යකි නාරං | Yaki Naran ගැන සියල්ල කෙටියෙන් Herbal Immunity Drink / Yaki Naran Herbal Plants Ayurvedic Plants of Sri Lanka.
It is said that regular consumption of yaki Naran leaf porridge can protect the liver and prevent jaundice and fatty liver diseases.

It is said to relieve allergies and allergies. To control jaundice, give yaki Naran leaf porridge with Kithul jaggery to control it. Yakinarang is a branching plant that grows up to 2 feet tall.

යකිනාරං- (Atalantia ceylanica)

නිතර යකි නාරං කොළ කැඳ පානය කරන්නේ නම් අක්මාව ආරක්ෂාවන අතර එහි ඇතිවන සෙංගමාලය ෆැටි ලිවර් ආදි රෝගවලින් ද වැළකිය හැකි බව සඳහන් වෙනවා.

ඉන් විසවීම් හා අසාත්මිකතා දුරුවන බව ද සඳහන්. සෙංගමාලය සෑදුණුවිට එය පාලනය කිරීමටත් යකි නාරං කොළ කැඳ කිතුල් හකුරු සමග පානය කිරීමට ලබා දෙනවා. යකිනාරං මීටර් 2 ක් පමණ උසට වැවෙන අතු පැතිරෙන ශාකයක් .

අලංකාර සුදුමල් පොකුරුවලින් පල ලබා දෙන අතර ඵලාවරණය පැඟිරි සහිතයි. බීජ හා මුල් මගින් ව්‍යාප්තිය සිදුවනවා.Rutaceae කුලයට අයත්.

යකි නාරං උඩුදෙහි නමින්ද හැඳින්වෙනවා. සම්බෝල සඳහා යුෂ යොදා ගන්නා අතර. විනාකිරි සමග මිශ්‍රකර රසකාරකයක් ද ඉන් සකසා ගනු ලබනවා.

එය උණ නිසා ඇතිවන කෑම අරුචිය ද දුරුකරන්නක් යකිනාරං බලි තොවිල් ගුරුකම් සඳහා ද යොදාගනු ලබන්නක්.. යාග හෝම ආදියේදී අවශ්‍යවන පස්පැඟිරි එකතුවට දෙහි දොඩම් නාරං . නස්නාරං සිදරං සමග එක්කරගන්නවා.

ජ්‍යෝතීර්වේදීන් යකි නාරං ගසට ලබා දෙන්නේ ඉමහත් ගෞරවයක්. නපුරු සිහින පෙනෙන්නේ නම් ඉන් මිදීමට යකි නාරං අත්තක බාරයක් ගැටගැසිය යුතු යයි ඔවුන් පවසනවා. එසේම සරු පලදා ඇති ගස් ඇස්වහ කටවහවලින් ආරක්ෂා කිරීමටද යකිනාරං අත්තට හැකි බව කියා සිටිනවා.

ශාකයේ සියලු කොටස් ඔසු ගුණයෙන් යුතු අතර විවිධ රෝග ප්‍රතිකාර සඳහා ඖෂධ ලෙස යොදාගන්නා බව සඳහන්. අක්මා රෝග වලදී මෙන් ම සෙම් රෝග, උණ , අරුචිය අජීර්ණ, පක්ෂඝාත , සන්ධි ඉදිමුම්, ආමාතිසාර චර්ම රෝග , සන්නි රෝග, සර්ප විෂ ආදියේදී යකි නාරං කොළ මුල් පොතු ගෙඩි යොදාගෙන ප්‍රතිකාර කෙරෙනවා.

ශාකයට ඇත්තේ සෙම් ප්‍රතිශ්‍යා ඇදුම ආදි ශ්වසන රෝගවලට එරෙහිව ක්‍රියාකිරීමේ විශේෂ හැකියාවක්. කොළ තැම්බූ වාෂ්ප හිසට මුහුණට ඇල්ලිමෙන් ශ්වසන අපහසුතා මග හැරෙන අතර ඉන් උණ හිසරදය ආදී තත්ත්වයන්ද පාලනය කෙරෙනවා. සෙම පැසවීමට කොළ කැඳත් උපකාරීවෙනවා. මුහුණෙන් කොටසක් අකර්මණ්‍ය වන අර්දිත තත්ත්වයේදී යකි නාරං කොළ කෙටූ ප්‍රලේපය ආලේප කරන බව සඳහන් . සමේ කැසීම් වැනි චර්ම රෝගවල දී කොළ තැම්බූ වතුරෙන් සෝදනු ලබනවා. පනු දද ආදියට ප්‍රතිකාර සඳහා ද කොළ යොදාගන්නවා. අනෙකුත් පැඟිරි ගෙඩිවල මෙන්ම යකි නාරං ගෙඩියේ ලෙල්ලද පිළිකා නාශක ගුණයෙන් යුතු බව සඳහන්වනවා ඉන් ලබාගන්නා තෙල් ආලේප කිරීමෙන් සන්ධි ඉදිමුම් , පක්ෂඝාත රෝග තත්ත්වවලදී සහන ලැබෙන බවද සඳහන්. මීමැසි බමර විෂ දුරුකිරීමට යකිනාරං මුල් දෙහි ඇඹුලෙන් ගලගා කෑ මුඛයෙහි ගල්වනවා. අජීර්ණ අතිවූවිට ශාකය කොටා යුෂගෙන ගිනියම්කළ යකඩයක් ඔබා මීපැණි මුසුකර ලබාදීමෙන් ගුණ ලැබෙන බවද සඳහන් කෙරෙනවා. යකිනාරං රුධිරගත මේදය පාලනයටත් උපකාරිවන්නක්. කරපිංචා හා හීන් බෝවිටියා සමග මාරුවෙන් මාරුවට යකිනාරං කැඳ පානය කිරීමෙන් කොලෙස්ටරෝල් මට්ටම යහපත් කරගත හැකි බව සඳහන්.

Follow YouTube:    / @slmediahut9557  
Follow Twitter:   / slmediahut2  
Follow Face Book:   / profile.php  
Follow instagram:   / slmediahut  
Follow pinterest:   / _saved  
Web:- https://612e0ee3cf69e.site123.me/