Tv Klan -Një monografi për “Baba Faja Martaneshin”

Описание: Në një aktivitet të veçantë të zhvilluar në Akademinë e Shkencave u promovua monografia “Baba Faja Martaneshin” e shkruar nga Jani Fullani.

Ishte një punë e gjatë kërkuese e autorit në bashkëpunim me Institutin e Historisë që përpara viteve ’90, por nuk arriti të shihte dritën e botimit për shkak të politikave të kohës.

Dorëshkrimet e tij u ruajtën nga familja dhe tashmë për ta është një amanet i përmbushur. Në ceremoni mbajtën fjalë përshëndetëse kryetari i Akademisë së Shkencave, Skënder Gjinushi, akademiku Gjovalin Shkurtaj, profesor Teki Kurti, punonjës të Institutit të Historisë, si dhe djali i autorit, Ardian Fullani.

I pranishëm ishte edhe ish-presidenti i Republikës, Alfred Moisiu.

Me redaktimin shkencor të profesor Teki Kurtit, lexuesit do të kenë në dorë një botim të plotë të figurës së Baba Fajës. Libri paraprihet nga një parathënie brilante e akademik Shaban Sinanit, i cili vlerëson se Baba Faja që ka sjellë Jani Fullani vjen pikërisht ashtu siç ai ishte: me virtyte fetare, qytetare e atdhetare, me natyrën prej libertini për qëndrimin ndaj jetës, me mendje përparimtare, për t’iu bashkuar prirjes më të dobishme për Shqipërinë e tij dhe tonën.

Jani Fullani ka sjellë detaje interesante të bashkëluftëtarit të tij. Promovimi i këtij libri erdhi në 102-vjetorin e lindjes së autorit dhe në prag të festave të Nëntorit. Jani Fullani është qytetar nderi i Martaneshit.SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/