Унгар улсын тэтгэлэг🇭🇺

Описание: Унгар улсын засгийн газрын тэтгэлэг болох Stipendium Hungaricum тэтгэлгийн тухай энэ бичлэгт хуваалцлаа🇭🇺👩🏻‍💼✨
Албан ёсны тэтгэлгийн website:
https://stipendiumhungaricum.hu/

Унгарт сурах талаар Study in Hungary:
http://www.studyinhungary.hu/blog/app...

Монгол улсын Боловсрол соёл шинжлэх ухааны яам:
https://www.meds.gov.mn/post/121811

Бичлэг үзэх боломжгүй унших хэлбэрээр мэдээлэл авах хэрэгтэй бол ярьсан зүйлээ энд текстээр биччихье, бичлэгт текст нэмэхээр их цаг авах гээд байлаа..🌼
Унгарын засгийн газрын дээд боловсролын хамгийн нэр хүндтэй тэтгэлэгт хөтөлбөр болох Stipendium Hungaricum нь өндөр амжилт гаргасан олон улсын оюутнуудад зориулсан өргөн хүрээний сургалтуудыг санал болгодог. Энэхүү тэтгэлэг нь Унгарын дээд боловсролыг олон улсын түвшинд хүргэх зорилготой. Унгарын Засгийн газраас 2013 онд үүсгэн байгуулсан уг хөтөлбөрийг Гадаад хэрэг, худалдааны яам удирдаж, Tempus олон нийтийн сан хариуцдаг. Энэ нь бараг 80 улс 5000 гаруй олон улсын оюутнуудыг татдаг.
Монгол улсаас жил бүр 200 оюутныг сургадаг.

Тэтгэлэгт хөтөлбөр нь:
Англи эсвэл Унгар хэлний аль нэгээр сонгон суралцах боломжтой.
Суралцах бүх хугацаанд сургалтын төлбөрийг Унгарын ЗГ бүрэн хариуцдаг,
Сар бүр амьжиргааны тэтгэлэг олгодог: Бакалавр, магистр: 43700HUF~430.000төг докторын түвшинд 140,000 HUF~1.400.000төг
Оюутны байраар бүрэн хангагдах, эсвэл түрээс байрны зардалд сард 40,000 HUF-ийн нэмэгдэл олгодог
Эрүүл мэндийн даатгал 100% Унгарын төрөөс хариуцдаг.

Эдгээр заалтууд нь зөвхөн тэтгэлэгт хамрагдагчдын амьжиргааны зардалд оруулсан хувь нэмэр бөгөөд Унгар дахь бүх амьдралын зардлаа нөхөхийн тулд оюутнууд өөрсдийн санхүүгийн эх үүсвэрийг нэмэх шаардлагатай байдаг😊

Энэхүү тэтгэлэгт хөтөлбөр нь 11 сараас эхлэн материалаа цахимаар авдаг.
I ШАТ: Боловсрол соёл шинжлэх ухааны яам шалгаруулдаг. 2023.2 сард хариу нь гардаг.
II ШАТ: Тэтгэлэгт сонгосон сургууль нь ярилцлага болон шалгалтыг 2023 оны 3-5 дугаар сард авч, эцсийн шатны хариуг тухайн их сургууль болон Унгарын Темпус Сан оюутны тоонд багтаан гаргадаг.

2023 оны 7-р сараас эхлэн хариу гарч тухайн өргөдөл гаргагчруу имэйл илгээгдэнэ.
2023 оны 8-р сард тэтгэлэгт тэнцсэн материалаа хүлээн авч, визэндээ орж намрын семистрээс буюу 9 сараас хичээл эхлэдэг.
✈️ Нисэх онгоцны тийзийг л өргөдөл гаргагч өөрөө хариуцна.

Суралцуулах чиглэлүүдийг товчхон бичвэл: Баклавр, магистр:
Хөдөө аж ахуйн шинжлэх ухааны салбарын бүх чиглэл
Унгар хэл, Сурган хүмүүжүүлэх зүй, Сэтгэл судлал,
Харилцаа холбоо ба медиа шинжлэх ухаан,
Компьютерийн шинжлэх ухаан
Инженерийн шинжлэх ухааны салбарын бүх чиглэл,
Эрүүл мэндийн шинжлэх ухааны салбарын бүх чиглэл,
Сургуулийн өмнөх боловсрол,
Спортын шинжлэх ухаан,
Байгалийн шинжлэх ухааны салбарын бүх чиглэл,
Хөгжмийн бүтээлч урлаг ба хөгжим судлал,
Урлагийн боловсрол зэрэг чиглэлээр;

Доктор: Мэргэжлийн чиглэл харгалзахгүй.

Энэхүү тэтгэлэг нь тухайн оюутны бүх сургалтын төлбөрийг дааж, амьжиргааны зардалд хүртэл тэтгэлэг олгодог нь суралцагч оюутанд маш том дэмжлэг үзүүлэн сайн боловсон хүчин болж бэлтгэгдэхэд тусладаг.
Та нар маань өөрсдийгөө сориод ийм сайн тэтгэлэгт хамрагдаарай.
Амжилт хүсье.

Erkhem's family: Gerel❤️