మహిళలు కూడా అన్ని రంగాల్లో సమాన ప్రాధాన్యత కలిగి ఉన్నారు.: మేయర్ దేవరకొండ సుజాత

Описание: అంతర్జాతీయ మహిళా దినోత్సవాన్ని పురస్కరించుకొని నెల్లూరు నగర పాలక సంస్థ కార్యాలయం కమాండ్ కంట్రోల్ సెంటర్ విభాగంలో డిప్యూటీ డైరెక్టర్ మాధురి ఆధ్వర్యంలో వేడుకలను అదివారం నిర్వహించారు.

వేడుకలకు ముఖ్య అతిథిగా నెల్లూరు నగరపాలక సంస్థ గౌరవ మేయర్ దేవరకొండ సుజాత అశోక్ హాజరై మహిళా సాధికారత గురించి వివరించి, అన్ని రంగాల్లో మహిళలు రాణిస్తున్న విధానం పట్ల సంతోషాన్ని వ్యక్తం చేస్తూ వివిధ అంశాలపై మాట్లాడారు.

ఈ సందర్భంగా మేయర్ మాట్లాడుతూ అంతర్జాతీయ మహిళా దినోత్సవాన్ని ప్రతి ఏటా మార్చి నెల 8వ తేదీన ప్రపంచవ్యాప్తంగా అన్ని దేశాలలో నిర్వహిస్తారని తెలిపారు.

మన భారత దేశంలో ఈ దినోత్సవాన్ని ప్రత్యేకంగా రూపొందించిన కారణం పురుషులతో పాటు మహిళలు కూడా అన్ని రంగాల్లో సమాన ప్రాధాన్యత కలిగి ఉన్నారని చాటే విధంగా రకరకాల కార్యక్రమాలను మహిళల ఆధ్వర్యంలో ప్రతి ఏటా నిర్వహిస్తూ ఉన్నారని వివరించారు.

మహిళలు అందరినీ ఒక వేదిక ద్వారా సంఘటిత పరిచి తమకు భారత దేశంలో డాక్టర్ బి.ఆర్ అంబేద్కర్ లిఖించిన రాజ్యాంగం ఆధారంగా లభించిన మహిళా హక్కులలో కుటుంబ హింస, బానిసత్వం, వివక్షత లేకుండా జీవించే హక్కు, నిర్బంధ ఉచిత విద్యను పొందే స్వతంత్ర హక్కు, ఆస్తిని కలిగి ఉండే హక్కు, రాజకీయ భాగస్వామ్యం, ఆరోగ్యం, గౌరవం, న్యాయమైన వివక్షత, సమాన పనికి సమాన వేతనం సంపాదించే హక్కులను మన అత్యున్నతమైన భారత రాజ్యాంగంలో పొందుపరిచి ఉన్నాయని మేయర్ వివరించారు.

మహిళలు ఆర్థికంగా, సామాజికంగా, వ్యక్తిగతంగా ఎదగడానికి భారత రాజ్యాంగం కల్పించిన అన్ని అవకాశాలను అందిపుచ్చుకునేందుకు మహిళలంతా చైతన్యం తెచ్చుకుని జనజీవన స్రవంతిలో వారి పాత్రను పదిలపరుచుకోవాలని సంపూర్ణంగా ఆకాంక్షిస్తున్నట్లు మేయర్ ప్రకటించారు.

కార్యక్రమంలో భాగంగా వివిధ రంగాలలో విశిష్ట సేవలు అందించిన మహిళలను, పారిశుద్ధ్య విధుల నిర్వహణలో ఉత్తమ సేవలు కనబరిచిన మహిళా కార్మికులను ప్రత్యేకంగా సన్మానించి గౌరవించారు.

ఈ కార్యక్రమంలో మహిళా అధ్యక్షురాలు రేవతి, కార్పొరేషన్ మలేరియా విభాగం అధికారి డాక్టర్ జిజియా, ఎన్జీవో కుసుమ కుమారి, వార్డు సచివాలయ కార్యదర్శులు, సిబ్బంది పాల్గొన్నారు.

పి.ఆర్.ఓ
నెల్లూరు నగర పాలక సంస్థ