Hanuman Ashtak | Sankat Mochan Hanuman ashtak | हनुमान अष्टक | संकट मोचन हनुमान अष्टक |

Описание: Hanuman Ashtak | Sankat Mochan Hanuman ashtak | हनुमान अष्टक | संकट मोचन हनुमान अष्टक |

बाल समय रवि भक्षि लियो तब,
तीनहुं लोक भयो अंधियारो।
ताहि सों त्रास भयो जग को,
यह संकट काहु सों जात न टारो॥
देवन आन करि बिनती तब,
छाड़ि दियो रवि कष्ट निवारो।
को नहि जानत है जग में कपि,
संकटमोचन नाम तिहारो॥
॥१॥
बालि की त्रास कपीस बसैं गिरि,
जात महाप्रभु पंथ निहारो।
चौंकि महामुनि साप दियो तब,
चाहिये कौन बिचार बिचारो॥
कै द्विज रूप लिवाय महाप्रभु,
सो तुम दास के सोक निवारो।
को नहि जानत है जग में कपि,
संकटमोचन नाम तिहारो॥
॥२॥
अंगद के संग लेन गए सिय,
खोज कपीस यह बैन उचारो।
जीवत ना बचिहौ हम सो जु,
बिना सुधि लाय इहाँ पगु धारो॥
हेरी थके तट सिंधु सबै तब,
लाय सिया-सुधि प्राण उबारो।
को नहि जानत है जग में कपि,
संकटमोचन नाम तिहारो॥
॥३॥
रावण त्रास दई सिय को सब,
राक्षसि सों कही सोक निवारो।
ताहि समय हनुमान महाप्रभु,
जाय महा रजनीचर मारो॥
चाहत सीय असोक सों आगि सु,
दै प्रभु मुद्रिका सोक निवारो।
को नहि जानत है जग में कपि,
संकटमोचन नाम तिहारो॥
॥४॥
बाण लग्यो उर लछिमन के तब,
प्राण तजे सुत रावन मारो।
लै गृह बैद्य सुषेन समेत,
तबै गिरि द्रोण सु बीर उपारो॥
आनि सजीवन हाथ दई तब,
लछिमन के तुम प्राण उबारो।
को नहि जानत है जग में कपि,
संकटमोचन नाम तिहारो॥
॥५॥
रावण युद्ध अजान कियो तब,
नाग कि फांस सबै सिर डारो।
श्रीरघुनाथ समेत सबै दल,
मोह भयो यह संकट भारो॥
आनि खगेस तबै हनुमान जु,
बंधन काटि सुत्रास निवारो।
को नहि जानत है जग में कपि,
संकटमोचन नाम तिहारो॥
॥६॥
बंधु समेत जबै अहिरावन,
लै रघुनाथ पताल सिधारो।
देबिहिं पूजि भलि विधि सों बलि,
देउ सबै मिलि मंत्र बिचारो॥
जाय सहाय भयो तब ही,
अहिरावन सैन्य समेत संहारो।
को नहि जानत है जग में कपि,
संकटमोचन नाम तिहारो॥
॥७॥
काज किये बड़ देवन के तुम,
बीर महाप्रभु देखि बिचारो।
कौन सो संकट मोर गरीब को,
जो तुमसे नहि जात है टारो॥
बेगि हरो हनुमान महाप्रभु,
जो कछु संकट होय हमारो।
को नहि जानत है जग में कपि,
संकटमोचन नाम तिहारो॥
॥८॥

hanumanashtakfast #hanumanashtaksuperfast #fasthanumanashtak #superfasthanumanashtak #sankatmochanfast #sankatmochansuperfast #hanumanchalisafast #hanumanchalisasuperfast #fasthanumanchalisa