Dalin pamjet nga takimi, çfarë diskutuan Edi Rama dhe Bajram Begaj, kandidati për President

Описание: Kryeministri ka publikuar pamjet e takimit mes kreut të qeverisë Edi Rama dhe kandidatit për President të Republikës, Bajram Begaj, njëkohësisht edhe shef i Shtabit të Përgjithshëm të Forcave të Armatosura.

Në takimin informues ku Begajt ju komunikua vendimi i Partisë Socialiste që e ka përzgjedhur si kandidat, gjenerali pranoi detyrën e Presidentit të Republikës, i cili pritet të votohet të shtunën në Parlament gjatë një seance të posaçme.

Edi Rama: Sot kemi pasur një diskutim në Kryesi shumë të gjatë, nga diskutimet që mbaj mend unë për shumë kandidatura dhe në fund kemi rënë dakord të gjithë që ju jeni kandidatura e duhur për ta normalizuar dhe për ta ricivilizuar zyrën e institucionit të Presidentit të Republikës. Ju falenderoj që ju nuk shfaqët refuzim por pranim. Dhe do të jetë nder për ne që t’ju japim votën edhe që ju të zgjidheni zyrtarisht President i Republikës.

Bajram Begaj: Faleminderit Kryeministër, është vlerësim shumë i madh të jesh President i një vendi dhe natyrisht do të përpiqem që të jem gjithmonë ai personi i duhur për atë çfarë përfaqëson ky post, kështu që do të jem në lartësinë e detyrës, do të jem i përgjegjshëm në kryerjen e saj. Vij nga ushtria dhe nga mjekësia, janë të dyja profesione shumë të mira, shumë të përkushtuara kështu që besoj se dhe detyrën nëse nesër do të votohem nga Parlamenti do të jem i lumtur ta kryej me nder.

Takimi mes të dyve zgjati rreth 20 minuta. Bajram Begaj pritet të votohet nesër si President i Republikës. Partia Socialiste i ka votat për ta zgjedhur e vetme.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/