Басшылықтың уәжімен келіспеген Шәкәрім университетінің студенттері бас көтерді

Описание: Елдегі эпидемия жағдайында Семейдегі Шәкәрім университетінен тағы да шу шықты. Бұл жолы студенттер оқу орнының басшылығы өздерін мәжбүрлі түрде орыс тобынан қазақ тобына ауыстырғалы жатқанын айтып шығамданған. Бұған келіспеген тәлімгерлер әлеуметтік желіде Білім және ғылым министрі Асхат Аймағамбетовтен көмек сұрады.
Жаңа ректор келгелі орыс тобы таратылып, тәлімгерлердің қазақ тобына ауыстырылатыны айтылып жатыр дейді студенттер. Ал егер тәлімгерлер бұл жағдайға келіспесе, басқа оқу орнын іздеуге тура келетінін де алдын ала ескертті дейді.
БОТАГӨЗ ДАНДЫБАЕВА, 2 курс студенті:
– Бізге былай айтты. Ресми құжат әлі жоқ. Ештеңеге қол қойылмады. Бірақ сіздер қазақша оқисыңдар немесе басқа ЖОО-на барасыздар деді.
ЗАМИРА МҮРСАЛИМОВА, 1 курс студенті:
– Бұл туралы қыркүйек айында сөз болған. Декан орынбасары топта жеті адам болса таратамыз немесе қазақ тобына қосамыз деген. Міне біраз уақыт өткен соң қайта айтып отыр қазақ бөліміне ауысасыздар немесе басқа оқуға барасыздар деп.
Он бір жыл мектепті орыс тілінде тәмәмдап, сынақ емтиханын да орыс тілінде тапсырған студенттер аяқ асты қазақ тобына бару ақылға қонымсыз дейді. Ал оқу орнының басшылығы олардың ақпаратты дұрыс түсінбей отырғандығын айтады. Себебі университетте бала саны аз топтар жетпіс пайызды құрағандықтан студенттерге көптілді топ ашу туралы түсіндірме жұмыстары жүргізілген. Осы тұста олар өздерін бір топқа біріктіреді немесе таратып жібереді деп түсінген дейді.
ИНДИРА ОРАЛҚАНОВА, Шәкәрім университетінің академиялық мәселелері жөніндегі департамент директоры:
– Ресми университеттің басшысының атынан ешқандай бұйрық шығарылған жоқ. Бүгінгі күнге. Оған мен сіздерге анық сенімді айта аламын. Және де әлеуметтік желіде тарап жүрген өтініш үлгісі бұл жалған. Бұндай ешқандай өтініш үлгісі университетте қазір әзірленбеген де таратылған да жоқ.
Қазақ тобынан орыс немесе орыс тобынан қазақ тобына мәжбүрлі түрде ауыстыру туралы ақпарат жалған деген универсиет басшылығы біз ешқашан студент құқығын бұза алмаймыз деді.

.
.
.
.
Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Семей #студенттер_наразылығы