د شمس لندن اکاډمۍ خوست څانګی د دولسم ټولګي د فراغت غونډه🌟🌟👩🎓👨🎓👏👏💫🎉🎊
Автор: Shams London Academy - شمس لندن اکادمی
Загружено: 2025-12-24
Просмотров: 73
Описание:
د شمس لندن اکاډمۍ خوست څانګی د دولسم ټولګي د فراغت غونډه🌟🌟👩🎓👨🎓👏👏💫🎉🎊
د شمس لندن اکاډمۍ د ۱۴۰۴ کال د دولسم ټولګي د زدهکوونکو د فراغت مراسم د درناوي، نظم او خوښۍ په فضا کې ترسره شول.
یاد مراسم د الهي کلام د سپېڅلو آیتونو په تلاوت سره پیل شول.
په دغو مراسمو کې د شمس لندن اکاډمۍ اجرائیه رئیس محمد اسیم ابراهیمي، د بېلابېلو ادارو استازو، قومي مشرانو او د زدهکوونکو والدینو ګډون کړی و.
په پرانېستونکې وینا کې اجرائیه رئیس محمد اسیم ابراهیمي فارغو زدهکوونکو ته د مبارکۍ تر څنګ وویل، چې د دوی علمي سفر لا هم پای ته نه دی رسېدلی، او دا یې د تعلیمي ډګر یوه کوچنۍ بریا وبلله.
اجرائیه رئیس محمد اسیم ابراهیمي د تعلیم پر اړتیا او په دې برخه کې د خصوصي ښوونځیو پر مهم رول هر اړخیزې خبرې وکړې. نوموړي تعلیم د یوه هېواد د ځواک بنسټ وباله او له فارغو زدهکوونکو یې وغوښتل چې په تعلیمي برخه کې ناغېړي ونه کړي او د یوې روښانه راتلونکې لپاره هڅې جاري وساتي.
ورپسې د شمس لندن اکاډمۍ د خوست څانګې عمومي مدیر رحمتالله دروېش ټولو فارغو زدهکوونکو او د هغوی والدینو ته مبارکي وویله او له خپلې کاري ډلې یې مننه وکړه چې د کال په اوږدو کې یې د زدهکوونکو لپاره هڅې کړې وې. نوموړي د تېر یو کال پر لاستهراوړنو هم رڼا واچوله او ټولو ته یې د یوه بریالي تعلیمي سفر ډاډ ورکړ.
وروسته د بېلابېلو چارواکو او والدینو ویناوې وشوې، چې د علم پر ارزښت یې خبرې د ټولو لپاره ګټورې وې.
دا فراغت غونډه نه یوازې د زدهکوونکو د یوه پړاو پای و، بلکې د علم، تعهد او روښانه راتلونکي د پیل یوه الهامبښونکې لحظه هم وه.
د یادونې وړ ده چې مراسم د زدهکوونکو ترمنځ د تقدیرنامو په وېش او د اختتامیې دعا په ویلو پای ته ورسېدل.
شمس لندن اکاډمۍ د خپلو ټولو فارغو زدهکوونکو لپاره د بریاوو، دوامدارې زدهکړې او روښانه سبا هیله کوي.
Повторяем попытку...
Доступные форматы для скачивания:
Скачать видео
-
Информация по загрузке:
