Vajza shqiptare shërohet nga leuçemia në Austri, fal ndihmës së Robert Rogner-(26 Mars 2011)

Описание: Lajme Arkiva 2011

Kjo është Artjola Koxheri 14 vjeçarja fatlume që arrit të shpëtojë nga një prej sëmundjeve më të rënda. Në korrikun e vitit të shkuar pas analizave të bëra nga mjekët shqiptarë ajo rezultoi se vuante nga sëmundja e leuçemisë akute. Mjekët s’i dhanë shanse për të mbijetuar por shpresa për t’a kuruar jashtë shtetit e shtyu familjen e Artiolës për të kërkuar ndihmë. Nëna e 14 vjeçares u drejtua tek vendi i saj i punës në hotel Rogner dhe bisedoi me pronarin zotin Robert Rogner, dhe kjo përpjekje rezultoi fatlume për Artjolën dhe familjen e saj pasi biznesmeni i njohur mori përsipër ta kuronte vajzën në Austri.

Falë mbështetjes dhe të ambasadorit austriak në Shqipëri ajo u dërgua brenda 24 orëve në Klagenfurt të Austrisë. Miliarderi i njohur ka qenë vazhdimisht prezent në etapat e kurimit të vajzës 14 vjeçare. Ai shpjegon për Tv Klan ndjesitë e kurimit hap pas hapi të kësaj vajze në përpjekje për ta mbajtur atë në jetë.

Robert Rogner: “U ndjeva shumë keq kur dëgjova nga nëna e Artjolës t’më fliste për gjendjen kritike të vajzës së saj. Ishte dhe pak e vështirë pasi nuk e dinim nëse e kishim të mundur ta çonim Artjolën menjëherë në Austri. Kërkuam ndihmën e ambasadorit austriak të cilin e kishim atë ditë në hotelin tonë dhe bëmë të mundur që brenda 24 orëve Artjola të mbërrinte në Klagenfurt të Austrisë për kurim të plotë. Bëmë të mundur gjithashtu që edhe nëna e saj të ishte pranë në këto momente të vështira. Të shpëtosh një jetë është një ndjesi e mrekullueshme që nuk njeh asnjë çmim, jam vetë prind dhe familjarë e di se çfarë do të thotë të rikthesh në jetë një vajzë në moshën e Artiolës.”

Familjarët e vajzës thonë se zoti Rogner ishte i pranishëm gjatë gjithë kohës së kurimit të saj jo vetëm nëpërmjet kontributit të tij financiar por edhe me vizitat e shpeshta me bashkëshorten në ambjentet e klinikës ku në ankth pritej të vendosej përfundimisht fati i vajzës. Sëmundja ishte me të vërtetë e rëndë dhe kërkonte një trajtim të specializura hap pas hapi. Këtë na rrëfen edhe një prej mjekëve qe e ka kuruar Artjolën në Austri.

Barbara Jauch: “Në qershor të vitit të kaluar u njoha me rastin e Artjolës, ajo rezultonte me leucemi akute dhe me probleme të theksuara në gjendje të vështirë e cila u përshkallëzua edhe gjatë mjekimit. Falë zotit gjendja e saj u përmirësua ndjeshëm gjatë 8 muajve dhe tani ajo ndodhet jashtë rrezikut për jetën. Në spitalin tonë ishte rasti i parë që një fëmijë shqiptar vinte me këtë sëmundje, jam shumë e lumtur që ia dolëm me sukses dhe e rikthyem Artjolën në jetë.”

Tashmë Artjola është jashtë rrezikut për jetën ashtu si edhe bashkëmoshatarët e saj ajo do mund të ndjekë shkollën dhe ëndrrat e saj që për kohë do të ndërpriteshin tragjikisht./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/