مرثيه - في اخوه عزام منصور بن شعلان

Описание: تصميم سيف المطيري
0538302886
كلمات : محمد منصور بن شعلان
اداء : فلاح المسردي




الكلمات

هاذي ثمان ايام في عيني طوال
اليوم في عيني سوات اربع شهور
تكفون انا في حلم ولا في خيال
والله معاد ادري ولا عندي شعور
جاني خبر ماينسمع ولا يقال
بعد الخبر والارض والدنيا تدور
هاذي عوايدها صواديف اليال
ماتاخذ الا اللي لهم فالارض دور
المشكله ماهي بسيف ولا ريال
المشكله يوم كتب بين السطور
امر الله المكتوب مادونه محال
يارب غفرانك لعبدك ياغفور
حان الوداع و قبل شده لرحال
فوق النعش جيته وانا دمي يفور
ضميته لصدري دقايق باعتدال
قبلت راسً لا ارتكى حل الامور
وصلت انا لاخر حدود الانفعال
من ضيقً يسد الحناجر والنحور
انا يالولاء الدين والصبر احتمال
قلت ادفنوني معه في وسط القبور
قمت اتامل بسمته هاك القبال
انسام جسمه كنها ريح العطور
قبلة خده لين دمع العين سال
انا اشهد اني يوم قفو به صبور
ماقد بكيت الا على واف الخصال
قبله دموعي ماخبرت الها ضهور
هلة دموعي وامطرت مثل الخيال
دموع عينن كنها موج البحور
غاب الحزام اللي لامن الوقت مال
والله ماتشكي ضيم في ضله وجور
عزام حمله ماتقوم ابه الجمال
اللي ليا منه صفا لك مايبور
عزام وقفاته مثل صم الجبال
تشهد له الوقفات والدنيا عبور
في والدينه يظرب لبره مثال
فيه الكرام وافي ولا حوله قصور
تلقى القبال الزين مع صفر الدلال
وليا بغيت الشور راسه فيه شور
ولا يحب الهرج لا جاله مجال
جمال خلقه درس في كل العصور
فيه الحميا والسطر لا قال طال
شبره تعدا مع طويلين الشبور
اذانه اللي لا جهر كنه بلال
مصلي و صايم لخلاقه شكور
دايم يردد تاليتنا لزوال
لا تامنون الوقت في دنيا الغرور
رباه ابوي اللي صنع مجدً لحال
منصور ابن شعلان والفعل مخبور
الله يمده من سنيني له حلال
اقولها وارفع بها الصوت الجهور
مامات من عقب على الدنيا عيال
شرواك يامنصور من جابه فخور
امعرب الجدين عمان و خوال
والله يجيره فالزمان من العثور
عزام فعله حي باقي لا يزال
ذكره بيبقا حي ليوم النشور
لا ياوجودي والفرح عنا استقال
في غبته غاب الفرح غاب السرور
اجامل العالم عقل مدري هبال
في عيني اصلن مابقى فالارض نور
من شافني يقول وضعه عال عال
الناس ماتدري عن اللي فالصدور
ادعو عساه لرحمة المعبود نال
ياجعل قبره روض ريحان وزهور