સરકારે જાહેર કરેલ શિક્ષણ સહાયથી હજી ઘણા રત્ન કલાકારો વંચિત..Raftar Surat News

Описание: સરકાર દ્વારા હીરા ઉધોગના રત્નકલાકારોના બાળકો માટે જે શિક્ષણ સહાય યોજના જાહેર કરી હતી જેમાં સુરતમાંથી 26,000 જેટલા ફોર્મ નામંજૂર કરવામા આવ્યા છે ત્યારે આજે સુરત શહેરમાં ડાયમંડ વર્કર યુનિયન દ્વારા સુરત કલેકટર હસ્તક મુખ્યમંત્રીને આવેદન પત્ર આપવામાં આવ્યું છે અને આ 26 હજાર ફોર્મ મંજુર કરવામાં આવે એવી માંગ કરવામાં આવી છે.હીરા ઉઘોગમાં મંદીના કારણે રત્નકલાકારોના બાળકોનું શિક્ષણકાર્ય પ્રભાવિત ન થાય તે હેતુથી ગુજરાત સરકાર દ્વારા ખાનગી સ્કુલોમાં અભ્યાસ કરતા રત્નકલાકારોના બાળકોને 13500 રુપિયાની શિક્ષણ સહાય પેકેજની જાહેરાત કરવામાં આવી હતી. જેમાં સુરતમાંથી અંદાજે 76 હજાર ફોર્મ ભરાયા હતા જેમાંથી 26 હજાર ફોર્મ નામંજૂર કરવામાં આવ્યા છે. આ 26 હજાર ફોર્મ નામંજુર કરવામાં આવતા આજે સુરત શહેરમાં ડાયમંડ વર્કર યુનિયન દ્વારા સુરત કલેકટર હસ્તક મુખ્યમંત્રીને આવેદન પત્ર આપવામાં આવ્યું હતું. વિવિધ બેનરો સાથે આવેદન પત્ર આપી આ 26 હજાર ફોર્મ મંજુર કરવામાં આવે તેવી માંગ કરવામાં આવી હતી.ડાયમંડ વર્કર યુનિયનના ઉપપ્રમુખ ભાવેશ ટાંકએ જણાવ્યું હતું કે ગુજરાત સરકાર દ્વારા જે શિક્ષણ સહાય રાહત પેકેજ જાહેર કરવામાં આવ્યું હતું. એ શિક્ષણ રાહત પેકેજની અંદર સુરત ખાતે 74 હજાર કરતા વધારે ફોર્મ ભરવામાં આવ્યા હતા 47 હજાર રત્નકલાકારોના 50 હજાર ફોર્મ પાસ કરવામાં આવ્યા છે પરંતુ 26 હજાર ફોર્મ રીજેક્ટ કરવામાં આવ્યા છે.એ 26 હજાર ફોર્મને ફરીથી પાસ કરવા માટે આજે ગુજરાતના મુખ્યમંત્રીને સુરત કલેકટર મારફતે અમે આવેદન પત્ર આપવા આવ્યા છીએ, જે 26 હજાર ફોર્મમાં મધ્યમવર્ગના રત્નકલાકારો જે ભાડે રહે છે પોતાના ઘરના ઈએમઆઈ ચાલે છે એવા પણ રત્નકલાકારોના ફોર્મ રીજેક્ટ કરવામાં આવ્યા છે તો એને પણ પાસ કરવા માટે સુરત કલેકટરને આવેદન પત્ર આપવામાં આવ્યું છે.