ပါရီကျဆုံးခန်း

Описание: ပါရီကျဆုံးခန်း
_____________မြသန်းတင့်
တင်ဆက်သူ - ဂျိမ်းစ်

ရုရှားစာရေးဆရာ အီလျာအာရင်ဘတ်ရဲ့ The Fall of Paris ကို
ဘာသာပြန်ထားတဲ့ ဆရာမြသန်းတင့်​၏ ဘာသာပြန်လက်ရာပါ
မူရင်းရေးသားသူ အာရင်ဘတ်ဟာ
သမိုင်းနောက်ခံကို အခြေပြုပြီး ဒီဝတ္ထုကြီးကို ရေးဖွဲ့ခဲ့တာပါ
သူ့အနေနဲ့ ဖြစ်စဉ်တစ်လျှောက်လုံးမှာ
ပြင်သစ်နိုင်ငံမှာ သတင်းထောက်တစ်ဦးအဖြစ် နေထိုင်ခဲ့တာမို့
သရုပ်မှန်တဲ့ ဇာတ်အိမ်ဖွဲ့စည်းမှုကို မြင်တွေ့ရမှာ ဖြစ်ပါတယ်
ပါရီမြို့ကြီးကို အခြေတည်ထားကာ
ပါရီမြို့ကြီးထဲက ဝန်ကြီးတွေ လွှတ်တော်အမတ်တွေ
နိုင်ငံရေးခေါင်းဆောင် စစ်ဘက်ခေါင်းဆောင်တွေ
အင်ဂျင်နီယာ ပန်းချီဆရာ အနုပညာသမားတွေ
သတင်းထောက် အယ်ဒီတာ သတင်းစာသမားတွေ
စီးပွားရေးသမားတွေ အလုပ်သမားခေါင်းဆောင်တွေ
ကျောင်းဆရာမ ယိမ်းသမ ကျောင်းသူ အစရှိသော
လူတန်းစား အလွှာပေါင်းစုံက ဘဝအမျိုးမျိုး
စိတ်ထားကောင်းမယ် ကောက်ကျစ်စဉ်းလဲမယ်
ငွေနောက်လိုက်ပြီး ငွေရရင် ဘာမဆိုလုပ်မယ်
တစ်ပါးသူရဲ့ အောင်မြင်မှုအပေါ် မနာလိုမုန်းတီးမယ်
အမှန်တရားကို မြတ်နိုးမယ် နိုင်ငံအတွက် အသက်စွန့်မယ်
ဒီလိုလူတွေရဲ့ စိတ်အမျိုးမျိုးအထွေထွေကို
ဇာတ်ကောင်တွေအဖြစ် ထည့်သွင်းရေးဖွဲ့ထားတာတွေကလည်း
ဒီဝတ္ထုကြီးရဲ့ရုပ်လုံးကို ပိုမိုထင်ရှား ကြွရွစေခဲ့တယ်
ထိုခေတ် ထိုကာလက ပြင်သစ်နိုင်ငံရဲ့ အခင်းအကျင်းကိုလည်း
ကျယ်ကျယ်ပြန့်ပြန့် စုံစုံလင်လင် မြင်တွေ့ရပါလိမ့်မယ် ။
ဇာတ်လမ်းဇာတ်အိမ်ရော ဇာတ်ကောင်စရိုက်တွေရော
ပါရီကျဆုံးခန်း စာအုပ်ဟာ ထည်ဝါခမ်းနားပါတယ်
နိုင်ငံရေးအတွေးအခေါ်တွေ စစ်ဗျူဟာပိုင်းတွေစိတ်ဝင်စားရင်
နိုင်ငံရေးသမား ဟုတ်သော
နိုင်ငံရေးသမား မဟုတ်သော
လူငယ်ဇာတ်ဆောင် လူကြီးဇာတ်ဆောင်များစွာ ပါဝင်ထားတဲ့
The Fall Of Paris စာအုပ်ရဲ့
မူလဖန်တီးသူ အီလျာအာရင်ဘတ်ကတော့ ဒီလိုဆိုပါတယ်
" ဒီဝတ္ထုရဲ့ ဇာတ်လိုက်ဟာ ပါရီမြို့ကြီးပဲ " တဲ့ !
#The_Fall_Of_Paris
#မြသန်းတင့်
#ပါရီကျဆုံးခန်း