အလွန်ရက်စက်ကြမ်းကြုတ်သော စုန္ဒဝက်သတ်သမား၏ကြောက်မက်ဖွယ် အကုသိုလ်ကံအကျိုးပေး [ ပါမောက္ခချုပ်ဆရာတော် ]

Описание: ဤတရားဒေသနာတော်ကို မြတ်စွာဘုရားသည် ဝေဠုဝန်ကျောင်းတော်၌ သီတင်းသုံးနေတော်မူစဉ် စုန္ဒမည်သော ဝက်သတ်သမားကို အကြောင်းပြု၍ ဟောတော်မူလေ၏။ ထိုစုန္ဒ ဝက်သတ်သမားသည် ငါးဆယ့်ငါးနှစ်တို့ပတ်လုံး ဝက်တို့ကိုသတ်၍ စားသောက်ကာ ရောင်းချကာ အသက်မွေးမြူသတတ်။ ဝက်ကို ဝက်သတ်သောနေရာ၌ မလှုပ်နိုင်အောင်ချည်၍ ကိုယ်အသား ပွားစေခြင်းငှာ အထောင့်လေးထောင့်ရှိသော ဆောက်ရိုက် တင်းပုတ်ဖြင့် ပုတ်ခတ်ကာ ဖူးဖူးရောင်အောင်ပြု၍ အသားများလေပြီဟု သိသောအခါ ခံတွင်းကိုဖွင့်၍ အာခေါင်အတွင်း၌ တုတ်တံကို ထောက်ကန်ပြီးလျှင် သံခွက်ဖြင့် ကျိုက်ကျိုက်ဆူသော ရေနွေးကို ခံတွင်းသို့ သွန်းလောင်းလိုက်လေ၏။ ထို့နောက်မှ မြက်မီးရှူးဖြင့် အမွေးအမှင်တို့ကို မီးတိုက်၍ ထက်လှစွာသော ဓားသန်လျက်ဖြင့် ဦးခေါင်းကို ဖြတ်၏။ ကျထွက်ယိုစီးသောသွေးကို အိုးခွက်ဖြင့်ခံယူ၍ သွေးနှင့်အသားကို ရောနှောနယ်လျက် ချက်ပြီးလျှင် သားမယားတို့၏အလယ်၌ နေထိုင်စားသောက်၍ အကြွင်းကို ရောင်းချ၏။ ဤနည်းဖြင့် အသက်မွေးခြင်းကိုပြုသော ထိုစုန္ဒ ဝက်သတ်သမားအား ငါးဆယ့်ငါးနှစ်တို့သည် လွန်လေကုန်၏။ အခါတစ်ပါး ထိုစုန္ဒ ဝက်သတ်သမားကိုယ်၌ အနာရောဂါသည် ဖြစ်ပေါ်လာလေ၏။ အသက်ရှင်စဉ်ပင်လျှင် အဝီစိ ငရဲမီးပူသည် (တစ်ကိုယ်လုံး ပူလောင်အောင်) ထလာလေ၏။ ထိုစုန္ဒ ဝက်သတ်သမားအား ငရဲမီးသည် (တစ်ကိုယ်လုံး ပူလောင်အောင်) ထလတ်သည်ရှိသော် ကံနှင့်တူသော အခြင်းအရာသည် ဖြစ်လေ၏။ ဖြစ်ပုံကား- အိမ်၏အလယ်၌သာလျှင် ဝက်ကဲ့သို့ မြည်တမ်းဟစ်အော်လျက် ပုဆစ်ဒူး နှစ်ဖက်တို့ဖြင့်သာ သွားလာလှည့်လည်၍ အိမ်ရှေ့နံရံ အနောက်နံရံကို လူးလာပြန်ကာ စုန္ဒ ဝက်သတ်သမားလည်း အိမ်တွင်း၌သာလျှင် ငရဲမီး ပြင်းစွာ ပူလောင်သဖြင့် ဟစ်အော်မြည်တမ်းလျက် ထိုမှဤမှ သွားလာ လှည့်လည်ရရှာ၏။ ဤသို့ ခုနှစ်ရက်တို့ပတ်လုံး လှည့်ပတ်ပြေးသွားကာ နေရပြီးလျှင် ခုနစ်ရက်မြောက်သောနေ့၌ သေခြင်းကိုပြု၍ အဝီစိငရဲကြီး၌ ဖြစ်ခဲ့ပုံအကြောင်းတရားတော်ကို ပါမောက္ခချုပ်ဆရာတော် ဒေါက်တာနန္ဒမာလာဘိဝံသ ဟောကြားတော်မူထားခြင်းဖြစ်ပါသည်။
မင်္ဂလာပါခင်ဗျာ ဤချန်နယ်တွင်
▶️ ပါမောက္ခချုပ်ဆရာတော်‌ ဒေါက်တာနန္ဒမာလာဘိဝံသ
▶️ ဒယ်အိုးဆရာတော် ဦးသုမင်္ဂလ
▶️သစ္စာရွှေစည်ဆရာတော် ဦးဥတ္တမ
▶️ မနာပဒါယီ အရှင်ဝိစိတ္တ (ကိုရီးယားဆရာတော်)
▶️မေတ္တာဂုဏ်ရည်ဆရာတော် အရှင်ကောဝိဒ စသည့်
ဆရာတော်ဘုရားကြီးများဟောကြားသော တရားတော်များ နှင့်
▶️ပရိတ်၊ ပဌာန်း စသည့် တရားဓမ္မနှင့်ပတ်သတ်သည့် Video ,များကိုနေ့စဉ်မပျက်မကွက် တင်ဆက်ပေးနေတာကြောင့် Subscribe လုပ်ထားပေးကြဖို့တောင်းဆိုချင်ပါတယ်ခင်ဗျာ
#ဓမ္မဒါန #တရားတော်များ #ပါချုပ်ဆရာတော်#videoedit#Buddha#Dhamma#Tayar #သစ္စာရွှေစည်ဆရာတော် #Buddhiststory #Meditation #Mindfulness #InnerPeace #SpiritualGrowth #Theravada #BuddhaDhamma #BuddhistWisdom #Buddhism#BuddhistTeachings