Ahmed Faraz recites his ghazal پھرتے ہیں اب بھی دل کو گریباں کیے ہوئے
Автор: Khursheed Abdullah
Загружено: 2024-06-07
Просмотров: 4163
Описание:
احمد فراز
پھرتے ہیں اب بھی دل کو گریباں کیے ہوئے
جن وحشیوں پہ ہیں تیرے احساں کیے ہوئے
تجدیدِ عشق کیا ہو کے برسوں گزر گئے
تجھ سے کوئی سخن بھی مِری جاں کیے ہوئے
اب تجھ سے کیا گِلا ہو کے اِک عمر ہو گئی
ہم کو بھی قصدِ کوچۂ جاناں کیے ہو ئے
دل سے ہوئی ہے پھر ترے بارے میں گفتگو
تر آنسوؤں سے دیدہ و داماں کیے ہو ئے
جی مانتا نہیں ہے کہ ہم بھی بُھلا چکیں
تیری طرح سے وعدہ و پیمان کیے ہو ئے
کچھ ضد میں ناصحوں کی تجھے چاہتے رہے
کچھ پاسداریِ دلِ ناداں کیے ہو ئے
ہم وہ کہ تجھ کو شعر میں تصویر کر دیا
صورت گرانِ شہر کو حیراں کیے ہو ئے
بازار سرد تھا نہ خریدار کم نظر
ہم خود تھے اپنے آپ کو ارزاںکیے ہو ئے
اے عشق ہم سے اور بھی ہوں گے زمانے میں
اچھے بھلے گھروں کو بیاباں کیے ہو ئے
کچھ ہم سے نامراد کہ پھرتے ہیں کوبکو
دل کو کسی فقیر کا داماں کیے ہو ئے
وعدہ کیا تھا اُس نے کسی شام کا کبھی
ہم آج تک ہیں گھر میں چراغاں کیے ہو ئے
اب اس کے جور سے بھی گئے ہم کہ جب سے ہیں
اپنے کیے پہ اُس کو پشیماں کیے ہو ئے
یہ رتجگے قبول کہ آرام سے تو ہیں
رکھتے تھے ورنہ خواب ، پریشاں کیے ہو ئے
ہم وہ اسیر ہیں کہ زمانے گزر گئے
’’ بند اپنے آپ پر درِ زنداں کیے ہو ئے‘‘
ترکِ وفا کے بعد ہوس اختیار کی
اس کاروبار میں بھی ہیں نقصاں کیے ہو ئے
جانِ فراؔز مرگِ تمنّا کے باوجود
بُھولے نہیں ہمیں ترے احساں کیے ہو ئے
احمد فراز
Повторяем попытку...
Доступные форматы для скачивания:
Скачать видео
-
Информация по загрузке:
