People's Spring | မြောက်ကိုရီးယားရဲ့ ပိုမိုသေးသွယ်ကျစ်လစ်တဲ့ နျူကလီးယား ဒုံးကျည် ထိပ်ဖူး

Описание: People's Spring | မြောက်ကိုရီးယားရဲ့ ပိုမိုသေးသွယ်ကျစ်လစ်တဲ့ ဒီဇိုင်းသစ် နျူကလီးယား ဒုံးကျည် ထိပ်ဖူးကို ထုတ်ပြ

People's Spring

ဒီဇိုင်းသစ်နဲ့ ဖန်တီးထားတဲ့ နျူကလီးယား ဒုံးကျည်ထိပ်ဖူး တစ်ခုကို မြောက်ကိုရီးယား နိုင်ငံပိုင် သတင်းဌာနက ထုတ်ပြန် ပြသသွားခဲ့ပါတယ်။

မတ် ၂၈ ရက်မှာ KCNA သတင်းဌာနက ခေါင်းဆောင်ကြီး ကင်မ်ဂျုံအန်းတလျှောက် အနက်ရောင် ဒုံးကျည်ထိပ်ဖူး ဒီဇိုင်းသစ်ကို စစ်ဆေး ကြည့်ရှုနေတဲ့ မှတ်တမ်းဓာတ်ပုံ တချို့ကို ထုတ်ပြန် ပြသခဲ့ပါတယ်။ ကင်မ်ဟာ အဲဒီ မတိုင်ခင် တစ်ရက်က နျူကလီးယား လက်နက်တိုက် တစ်ခုကို သွားရောက်ပြီး ဒုံးကျည်ကို ဖန်တီး တီထွင်သူတွေနဲ့ တွေ့ဆုံခဲ့ကြောင်း KCNAက ဖော်ပြပါတယ်။

အဲဒီ ဒုံးကျည်ထိပ်ဖူးဟာ မြောက်ကိုရီးယားရဲ့ ရှိရင်းစွဲ ဒုံးကျည်တွေထက် ပိုမို သေးငယ်ပြီး ကျစ်လစ်တာကို တွေ့ရပါတယ်။ မြောက်ကိုရီးယားဟာ အသေးစား နျူကလီးယား ထိပ်ဖူးတွေ တီထွင်နိုင်ဖို့ ကာလရှည်ကြာ ကြိုးစားနေကြောင်း နိုင်ငံတကာ သုတေသီတွေက သုံးသပ်ထားကြပါတယ်။ အရွယ်အစား သေးငယ်တဲ့ ထိပ်ဖူးတွေဟာ ရေငုပ်သင်္ဘောတွေနဲ့ တခြား ပလက်ဖောင်း အတော်များများကနေ အလွယ်တကူ ပစ်လွှတ်နိုင်တဲ့ အားသာချက်မျိုး ရှိလာနိုင်တာကြောင့်ပါ။

KCNAရဲ့ အဆိုအရ ကင်မ်သွားရောက် စစ်ဆေးခဲ့တဲ့ ဒုံးကျည်ကို Hwasan-31လို့ နာမည်ပေးထားကြောင်း သိရပါတယ်။ ကင်မ်က ဒုံးကျည်တွေ လွှတ်တင်မှုအတွက် ပိုမို အစွမ်းထက်စေမယ့် လောင်စာ နည်းပညာကိုလည်း မြှင့်တင်ကြဖို့ ပညာရှင်တွေကို မှာကြားခဲ့တယ်လို့ ဆိုပါတယ်။ လက်ရှိ အခြေအနေအရ မြောက်ကိုရီးယား ဒုံးကျည်တွေဟာ လောင်စာအရည်ကို အသုံးပြုနေရဆဲဖြစ်ပြီး အားသာချက်ပေါင်းစုံ ရှိနေတဲ့ လောင်စာခဲ နည်းပညာကို ကင်မ်က အသည်းအသန် လိုလားနေပါတယ်။

ကင်မ်ဟာ သူ့ရဲ့ ခရီးစဉ်အတွင်း နိုင်ငံရဲ့ နျူကလီးယားလက်နက် ရည်မှန်းချက်နဲ့ ပတ်သက်လို့ တိကျတဲ့ လျှို့ဝှက် ညွှန်ကြားချက် တချို့ကိုလည်း ပညာရှင်တွေဆီ အသိပေး ပြောကြားခဲ့တယ်လို့ KCNAက ဆိုပါတယ်။

အမေရိကန်နဲ့ တောင်ကိုရီးယားတို့က စစ်အင်အား အမြောက်အမြား ပါဝင်တဲ့ ရေတပ် ပူးပေါင်း စစ်ရေးလေ့ကျင့်မှုကြီး တစ်ခုကို အပြီးသတ်ခဲ့တဲ့ အချိန်မှာပဲ မြောက်ကိုရီးယားက အခုလို ဒီဇိုင်းသစ် နျူကလီးယား ထိပ်ဖူးတွေကို ထုတ်ပြလာခဲ့တာလည်း ဖြစ်ပါတယ်။

#လူထုနွေဦး
#LuduNwayOo
#People'sSpring
#PS
https://bit.ly/ludunwayoo
  / ludunwayoo  
  / ludunwayoo  
t.me/PeopleSpring (https://t.me/PeopleSpring)