حان اللقاء | حاتم العبدالله

Описание: قصيدة [ حان اللقاء ]

ليلة ١٩ رمضان ١٤٤٣هـ

• ذكرى استشهاد الامام علي عليها السلام
• الحسينية المهدية -بالبطالية
• أداء | حاتم العبدالله
• كلمات الشاعر | ابوتراب الاحسائي
• مكساج | علي شهاب
•مخطوطة | أ.نعيم البوخضر
• مونتاج و تنفيذ| اللجنة الاعلامية بالحسينية المهدية بالبطالية

كلمات القصيدة :

( اِشرب الماءَ وَ عَجِّل ) للأجل و امصابك
ودّع الليله صلاتك يا علي اِوْ محرابك
الدعوه من رب السماء يا علي حان اللقاء

اتزوّد الليله يحيدر من ملامح زينبك
اِوْ عَجّل اِلـْسيف المنيّه فاطمه تترقّبك
يا علي يا اللي اِبـْسجودك ذو الجلاله خاطبك
( عُد ) يبو الحلمه ( إلينا ) اِوْ ﭼـان الله مطلبك

يا علي رِدْ اِلـْمكانك في سماء القدره
اِفطر الليله اِوْيَه زينب و امسك اِوْيَه الزهره
بالأرض آخر مساء يا علي حان اللقاء

( أُشدد ) الليله يحيدر كل حيازيم الصبر
اﮔريب تتلاﮔـه اِبـْحبيبك يا علي وﮔت الفجر
عله سجّادة صلاتك شاء ربّك تنطبر
اِوْ تجتمع طبرة سجودك وَيّه ضلع المنكسر

وَدّع الليله المآذن يا عليْ اِرْفَع صوتك
هاي اخير ( الله أكبر ) اِوْ ينحمل تابوتك
هالأذان ايظل بكاء يا علي حان اللقاء
( سَمِعَ اللهُ ) اعله هامك ضربة السيف الخؤون
و اِبْثره مسجد الكوفه سالت اِلـْ( كُنْ ) فيكون
( أشهدُ أَنَّ عليًا ) اِلـْهزّات اركان الحصون
هزها حد سيف ابن ملجم اِوْ نامت اِبْحضن المنون


اهتزت أركان التشهد يا علي وَيْ هامك
و الأذان اِوْيَه الإقامه اصبحوا ايتامك
اِوْ طحت و اتعاله النداء يا علي حان اللقاء


اشلون يا سيف الجلاله السيف عد راسك وصل
و انته عند الله تعاله يا علي خير العمل
يا بطل خيبر اِبـْضربه اشلون كل حيلك بطل
و المُصيبه الكُبرى دَمّك من دمع زينب نزل


من طحت ويّاك زينب طاحت اِبآلامها
جرحك اوّل نار تحرﮒ بالطفوف اخيامها
انطي عباس اللواء يا علي حان اللقاء



من طحت و الكون كلّه اِوْياك يا حيدر وﮔـع
الا راس حسين ابنك يا علي ابرمحه ارتفع
جرح راسك غاضريه اِوْ حافر اِبْصدر انطبع
اِوْ طيحة اعمامتك زينب و الشمر خدها صفع

الليله من تمشي اِلـْمنيتك زينبك يسبوها
و العزيز حسين جثته اِبـْكربله ايسلبوها
جرحك أول كربلاء يا علي حان اللقاء

‏‎________________

برامج التواصل الاجتماعي :-

الحساب الرسمي بالسناب شات:
‏  / almahdyah  

الحساب الرسمي بالانستقرام :
‏https://www.instagram.com/p/CEJhly3Bl...

الحساب الرسمي بالفيسبوك:
‏https://www.facebook.com/307777562742...

للإشتراك بخدمة الواتس أب :
‏https://wa.me/message/BGOKQ5VK3ZTJF1
حفظ الرقم التالي
0565675204
و إرسال كلمة اشتراك مسبوقة بأسمكم الكريم


#الحسينية_المهدية_بالبطالية
#ليلة_الضربة
#حاتم_العبدالله