برمجة حساس الكفر فورد إيدج فورد تورس

Описание: السلام عليكم ورحمة الله وبركاته
انقل لكم تجربتي مع حساس الكفر.
تعطل عندي احد الحساسات وصارت تظهر عندي رسالة خطأ في الحساس.
وبالنسبة لرسائل الحساس.
نوعين النوع الأول يظهر لك خطأ بالحساس وهذه الرسالة تدل على تعطل الحساس ويجب استبداله.
الرسالة الثانية وهي نقص الهواء وتختفي هذه الرسالة عند تعبئة الإطار بالهواء.
الرسالة اللي عندي كانت خطأ بالحساس و اضطريت ان استبدل الحساس.
سعر الحساس بالوكالة فوق ٢٠٠ ريال.
وممكن تحصل حسب كلام بعض الأخوة في محلات الزينة بسعر ارخص.
بحثت عن حساس يشابه الحساس اللي معي في موقع علي اكسبريس.
وطلبته من الموقع وتواصلت مع البائع قبل شحن المنتج من أجل موضوع التردد.
وارسل لي حساس بنفس التردد والحمدلله تبرمج معي واختفت علامة الحساس من الطبلون.
هذا مانفع نهائيًا هذا الي ماعنده علامه في الطبلون
بالنسبة للترددات اولا :
⭐️ سيارت فورد وارد الخليج وارد توكيلات الجزيرة ترددها من 434MHZ من موديل 2013 الى 2017
⭐ومن موديل 2017 الى 2019 تردد 886 MHZ
⭐ومن موديل 2020 وفوق 902MHZ
هذه كلها وكيلها الخليج وتوكيلات الجزيرة فقط

⭐️ الوارد الامريكي تردده 315 MHZ
ولمعرفة تردد الحساس بشكل مؤكد حاول تفك القديم وتشوف تردده كم.
وبالنسبة لتركيب الحساس عند أي بنشري بسعر من ١٥ الي ٢٠ ريال للواحد.
ابحث بموقع على اكسبريس بكتابة حساس كفر وحط التردد وراسل البائع قبل مايشحنها لك.
سعرها بالموقع حول ١٥٠ ريال للاربع حساسات مع الشحن.
وبالتوفيق
🌹 اخوكم ابو الحمزة