Մենք պետք է կռվենք «Ազգային երգ ու պար» Ծովակ խումբ Menq Petqe krvenq

Описание: Մենք պետք է կռվենք

Մենք պէտք է կռվենք և ոչ լաց լինենք,
Ազգի կորուստը զենքով ետ խլենք,
Այսքան դար լացինք, ո՞վ է լսողը,
Մեզ ի՞նչ շահ բերեց արցունքի ծովը:

Այլևս չլանք և ոչ լաց լինենք,
Կրակված սրտով մեր գործը վարենք,
Անվեհեր քաջին այս է պատկանում,
Միշտ ազատ կռվել կռվի լայն դաշտում:

Մոլի և երկչոտ թշնամին թող լա,
Երբ հայ քաջի դէմ կռվի դուրս կու գա,
Մենք վախեցող չենք մահից, տանջանքից,
Ոչ էլ թշնամու դաժան գնդակից:

Անեծք այն հորն, որ չի մղում որդուն,
Որ ազգի սիրույն նա թափե արյուն,
Ամոթ այն հային և բյուր նախատինք,
Որ ազգի սիրույն չի գործում բարիք:

________________

«Ծովակ» ավանդական երգի-պարի խումբ

Գեղարվեստական ղեկավար՝ Անի Գինոսյան

Երգուսույց՝ Անուշ Բալբաբյան

Պարուսույց՝ Աբել Մաթևոսյան

Խումբը հիմնադրվել է 2001 թվականին հայ պարագետ, բանահավաք, ՀՀ մշակույթի վաստակավոր գործիչ, «Կարին» ավանդական երգի-պարի խմբի հիմնադիր Գագիկ Գինոսյանի կողմից և կրում է հայ կոմպոզիտոր, ՀԽՍՀ մշակույթի վաստակավոր գործիչ Ծովակ Համբարձումյանի անունը:

«Ծովակը» միավորում է պատանիներին և երիտասարդներին՝ հայ մշակույթի ուսումնասիրման և տարածման առաքելության շուրջ՝ նպաստելով ազգային արժեքների պահպանմանը, ինքնության գիտակցմանն ու ամրապնդմանը:

«Ազգային երգ ու պար» առարկայի այս երգերը ձայնագրվել են Գարեգին Առաքելյանի կողմից, նվագակցությունը՝ Սևադա Իրիցյանի և Գրիգոր Դավթյանի, երգային կատարումը՝ «Ծովակ» ավանդական երգի-պարի խմբի անդամների` խմբի երգուսույց Անուշ Բալբաբյանի ջանքերով։