Chanson Spirituelle Bamileke en langue Yemba : Apū ŋgwāŋ Tɛnyi Efɔmekə́m : le sel de Tegni Fomekem

Описание: Chanson Spirituelle BAmileke en langue Yemba :

Apū ŋgwāŋ Tɛnyi Efɔmekə́m : la poignée de sel de Tegni Fomekem

Auteur : Yanicko. Contact : +237 691 725 835 / +237 681 890 090

Transcription et traduction : Mə̂ŋfɔ̀ Yimɛlɛ́ Tsafāk (Imele Tsafack)

Sous l'ordre de : Shck Ca᷅mnà', Resulam, résurrection des langues maternelles ancestrales
www.resulam.com

Apū ŋgwāŋ Tɛnyi Efɔmekə́m ɛ́ɛ́. ɛ̄ɛ̄
O wá' menu ala' mɛ́ mbɔ oó tapne
O wá' menu ala' mɛ́ mbɔ oó tapne ō ā
O wá' menu ala' mɛ́ mbɔ oó tapne ō ō ō
O wá' menu ala' mɛ́ ŋgɔ́ ncʉ́' akézō é āā
Shúŋ gá ajú mi o jʉ́ɔ́ té nzɛ́hɛ́ ŋgɛ oó mɔ Atsaŋ ōō ā
Shúŋ gá ajú mi o jʉ́ɔ́ té nzɛ́hɛ́ ŋgɛ oó mɔ Atsaŋ ōō
Mɛ́ géé zɛ́hɛ́ ŋgɛ oó mɔ Atsaŋ njʉ́ɔ́ ntií ju létɔɔte ala' mɛ́t ōō
Mɛ́ géé zɛ́hɛ́ ŋgɛ oó mɔ Atsaŋ njʉ́ɔ́ ntií ju lesā' ala'
Apū ŋgwāŋ mésī, apū ŋgwāŋ Tɛnyi Efɔmekə́m
Apū ŋgwāŋ awɔ́nyiŋ ēē āā? apū ŋgwāŋ Tɛnyi Efɔmekə́m
Apū ŋgwāŋ mésī, apū ŋgwāŋ Tɛnyi Efɔmekə́m
Nzəmɛla sú'ú ńtshí á Ntʉɔ'la ŋgyá ŋgwāŋ mésī
Natema' Efɔɔ́ndɔ̄ŋ gʉ̄ɔ̄ á Mə́ŋlepɛ̄ ŋgyá ŋgwāŋ mésī
Natema' Ŋgeményi gʉ̄ɔ̄ Mɛŋgímɛ́létəŋ ŋgyá ŋgwāŋ mésī ɛ̄
Natema' Efɔtɔ' gʉ̄ɔ̄ Mɛkʉŋmɔ̄' ŋgyá ŋgwāŋ mésī ɛ̄
Ńdɔk ndɔ́ apʉɛnne ō ,
Ńdɔk ndɔ́ lénɔŋ ndí āā
Ńdɔk ndɔ́ apʉɛnne ō o ō
Ńdɔk ndɔ́ lénɔŋ ndí lō
O tə́m nzəm ámbū menu alā' mɛ́ o te zɛ́t á ŋkɔŋ ɔ́ o te zɛ́t á ntsəŋ ɛ́
O wá' menu alā' mɛ́, ŋgʉ̄ɔ̄ ncʉ̄' akezō ɛ̄?
Apū ŋgwāŋ mésī, apū ŋgwāŋ Tɛnyi Efɔmekə́m
Apū ŋgwāŋ awɔ́nyiŋ ēē āā? apū ŋgwāŋ Tɛnyi Efɔmekə́m
Apū ŋgwāŋ mésī, apū ŋgwāŋ Tɛnyi Efɔmekə́m
Sesia lenāŋ ámbū Tɛnyi Efɔmekə́m ōō éyi a tɔɔtɛ alā' mɛ́t ōō
Pəkə́ síákné Tɛnyi Efɔmekə́m ōō éyi a sa' alā' mɛ́t ōō
Ḿbiŋ ŋgyá méku' temi ámbū wɔnatema' pi pɔ́p kwɛtɛ alā' mɛ́t
Pəkə́ yá meku' temi ámbū mesā'pɔ̄ pií sa'a alā' mɛ́t
Asalaka Tɛnyi Efɔmekə́m, asalaka lélɔk ncú'té alā' ōō
Asalaka Tɛnyi Efɔmekə́m, asalaka lélɔk ŋkwɛ́t alā'
Apū ŋgwāŋ mésī, apū ŋgwāŋ Tɛnyi Efɔmekə́m
Apū ŋgwāŋ awɔ́nyiŋ ēē āā? apū ŋgwāŋ Tɛnyi Efɔmekə́m
Apū ŋgwāŋ mésī, apū ŋgwāŋ Tɛnyi Efɔmekə́m
Epɔ̄ ŋkə́mə́sɔ̄' gʉ̄ɔ̄ á Efɔlefōk ŋgyá ŋgwāŋ mésī ɛ́
Asesa' temī gʉ̄ɔ̄ á Mɛmbu'kəm ŋgyá ŋgwāŋ mésī ɛ́
Mpɛ gʉ̄ɔ̄ Efɔlepɛ̄ ándo Nzi'i ŋgyá ŋgwāŋ mésī ɛ́
Mpɛ gʉ̄ɔ̄ Efɔŋgú'teŋgɔŋ ŋgyá ŋgwāŋ mésī ɛ̄ á Mamiwatá
Mpɛ gʉ̄ɔ̄ Efɔmegó á Ntsəŋɛlā' ŋgyá ŋgwāŋ mésī ɛ́
Nzəmɛla sú'ú ńtshí á Ntʉɔ'la ŋgyá ŋgwāŋ mésī ɛ́
Ŋ́kyɛ́t mé akhu mmɔ̄' ńtshí á Efɔlewu ŋgyá ŋgwāŋ mésī ɛ́
Apū ŋgwāŋ Efɔmegó, apū ŋgwāŋ Efɔntʉɔ'ɔlā' ɛ́
Apū ŋgwāŋ Efɔmə́ŋtɔ̄ apū ŋgwāŋ Nzi mə́ŋ Efɔŋkə́mɛ́sɔ̄' ɛ́,
Apū ŋgwāŋ Efɔmə́ŋtɔ̄, apū ŋgwāŋ Mamíwatá ɛ,
Apū ŋgwāŋ Efɔmə́ŋsī, apū ŋgwāŋ Mɛmbu'kəm lōō,
Ńdɔk ndɔ́ apʉɛnne ōō ,
Ńdɔk ndɔ́ lénɔŋ ndí āā
Ńdɔk ndɔ́ apʉɛnne ántə̄ Menuɛt ō o ō
Ńdɔk ndɔ́ méfāk ɛ̄
Apū ŋgwāŋ mésī, apū ŋgwāŋ Tɛnyi Efɔmekə́m
Apū ŋgwāŋ awɔ́nyiŋ ēē āā? apū ŋgwāŋ Tɛnyi Efɔmekə́m
Apū ŋgwāŋ mésī, apū ŋgwāŋ Tɛnyi Efɔmekə́m