27 ნოემბრის ქორწილი კერა ჰოლში

Описание: საქორწილო დარბაზი კერა შეიძლება ითქვას ახალი ობიექტია ჩვენს ქალაქში, მაგრამ მან თავისი პროფესიონალური გუნდის წყალობით მალევე მოიხვეჭა სახელი და დღეს აჭარაში თუ რომელიმე ოჯახი მაღალი დონის ქორწილს გეგმავს, თითქმის ყველას მასპინძლად სწორედ კერა ჰოლი გვევლინება.

რატომ კერა ჰოლი და არა სხვა? პირველ რიგში იმიტომ, რომ აქ საუცხოო გარემოა, დარბაზი მორთულია უნიკალური დიზაინით, რომელსაც ქმნის დიზაინერი ნანუკა თავართქილაძე, აქ ყოველთვის გვთავაზობენ მაღალი დონის მომსახურებას, აქვთ უგემრიელესი ქართული და ევროპული კერძების ფართო არჩევანი, გემოვნებიანი მუსიკა და საუკეთესო გასართობი პროგრამა, რაც ნებისმიერ ქორწილს დაუვიწყარს ხდის.

ყოველივე ზემოთჩამოთვლილ სიკეთეებთან ერთად, იმ წყვილებს, რომლებიც ქორწილს კერა ჰოლში გადაიხდიან, დარბაზის მესვეურები უფასოდ სთავაზობენ სადედოფლო ავტომანქანის მომსახურებას, ფოტო-ვიდეო გადაღებას, სადედოფლო კაბას 400-ცალიანი კოლექციიდან და სხვა... და ეს ყველაფერი არ არის, კერა ჰოლში ახლადშეუღლებულ წყვილებს სხვა უამრავი სიურპრიზიც ელოდებათ, კერძოდ, დამფუძნებელი მერაბ ფარტენაძე ყოველ ქორწილზე, ნეფე-პატარძალს ჩუქნის სხვადასხვა საჩუქარს.

27 ნოემბერს კერა ჰოლის პროფესიონალთა გუნდს თავიანთი ოჯახის უდიდესი ზეიმი მირზა ირემაძემ და ვიოლა ჭაღალიძემ მიანდეს და დაუვიწყარი ქორწილიც გამოუვიდათ... ვისურვებთ, რომ ის განწყობა, სილამაზე, ფერები და აღმაფრენა, რაც კერას უმშვენიერეს დარბაზში სუფევდა, მთელი ცხოვრების მანძილზე იყოს მათი თანამგზავრი!