TAMIL OLD--Indre en vazhvil inba naal(vMv)--LAVANGI 1946

Описание: 'இன்றே என் வாழ்வில் இன்பநாள்'...
லவங்கி (1946)
பாடலாசிரியர் : பாபநாசம் சிவன்
இசை : சி ஆர் சுப்பராமன் & பத்மநாப சாஸ்திரி
பாடியவர் : குமாரி ருக்மணி

பாட்டுப்புத்தகத்தில் இடம்பெற்ற "லவங்கி" (1946) படத்தின் கதை சுருக்கத்தின் சுருக்கம் :
*********************************************************************************************************
கதைநாயகன் ஜெகநாத பண்டிதனுக்கு பாரதமெங்கும் திக்விஜயம் செய்து அனைத்துப் பண்டிதர்களையும் வாதில் வெல்லவேண்டும் என்பது வாழ்க்கை லட்சியம்... அவன் மனைவி காமேஸ்வரியை பற்றி கவலைபடாமல் ஒருநாள் பிரிந்து டெல்லி பட்டிணம் நோக்கி திக்விஜயம் புறப்படுகிறான்... வழியில் பலரை வாதத்தில் வென்று தலைநகர் சேர்ந்து சக்ரவர்த்தி ஷாஜகான் சபையில் ஆஸ்தான கவிஞன் ஆகிறான்...

பனிரெண்டு வருடங்கள் கழிந்தும் அவன் வராததால் பண்டிதன் இறந்துவிட்டான் என புகுந்தவீட்டினர் முடிவுசெய்ய இல்லை என கூறி நம்பிக்கையுடன் கணவனை தேடி டெல்லி பட்டிணம் புறப்படுகிறாள் காமேஸ்வரி... ராணி மும்தாஜின் அன்பைபெற்று அரண்மனை சேர்கிறாள்... "லவங்கி" என்று பெயரை மாற்றிக்கொண்டு நாட்டியமங்கையாய் அங்கே வாழ்கிறாள்... ஒருநாள் ராஜ தர்பாரில் லவங்கியின் நாட்டியம் நடக்கிறது... அவளின் பேரெழில் கண்டு ஆஸ்தான கவிஞன் சொக்கிப் போகிறான்... தன் மனைவி எனத்தெரியாமலே அவள் மேல் காதல் கொள்கிறான்..

சக்ரவர்த்தி ஷாஜகான் தனது பிறந்தநாளில் என்ன வேண்டுமோ கேள் தருகிறேன் எனக் கேட்க கவிஞன் 'தான் விரும்பும் பரிசு லவங்கி' என்கிறான்... தன் கணவனை கண்டுகொண்ட லவங்கி திருமணத்திற்கு சம்மதிக்கிறாள்... தாலி கட்டப் போகும் போது தான் கவனிக்கிறான்... அவள் கழுத்தில் ஏற்கனவே ஒரு தாலி... பண்டிதன் அதிர்ச்சியடைகிறான்... உண்மை தெரியவர சுபம்...
*****************************************************************************************************************************************

ஜெகநாத பண்டிதனாக "ஒய் வி ராவ்" நடித்தார்... லவங்கியாக "குமாரி ருக்மணி" ( நடிகை லட்சுமியின் தாயார்) நடித்தார்... ஷாஜகானாக "பி ஆர் பந்துலு"வும், "மும்தாஜாக" ஆர் ஜெயம்மாவும் நடித்தனர்...

இந்தப்படத்தில் ஆர் ஜெயம்மா பாடிய "ஆடுவோம் எல்லோரும்" உள்ளிட்ட மேலும் சில பாடல்களும் புகழ்பெற்றன...

[email protected]