【堅尼地城】堅尼地舊城新貌　Work-Life Balance首選

Описание: 位於香港島最西面的堅尼地城，一聽個名就知係殖民地時候起的，佢係以香港第七任總督「堅尼地」命名。宜家呢度仲保留住一點點殖民地氣息，加上鄰近香港最高學府香港大學，整個社區富有極濃嘅文化氛圍。

堅尼地城嘅範圍，包括西寧街至卑路乍街與皇后大道西交界，由於住宅密度較低，旺中帶靜，係香港島其中一個受追捧的住宅區，特別受到外籍人士歡迎。

而這座「老香港」舊城，隨著港鐵嘅通車，已經蛻變、有新的面貌。以往堅尼地城主要靠地面交通，例如巴士、小巴及電車等往返港島嘅核心地帶，不過自2014年港鐵港島線西延段通車，堅尼地城站成為港島線西面總站之後，這區嘅吸引力即時提升，因為由堅尼地城去中環只係五個站，大約8分鐘；而去南區亦只係15分鐘，啱晒喺核心商業區工作嘅白領。

堅尼地城另一個賣點係佢嘅書香氣息，皆因附近有香港大學，雲集全港、甚至全球嘅精英，唔少來自海外嘅教授或者學術專材，都愛聚居於呢一帶，貪佢既方便，又不失傳統學術文化色彩。這區國際學校林立，包括有英基開辦嘅堅尼地城小學、港灣學校、香港學堂國際學校等。

同時，堅尼地城有全港家長趨之若鶩嘅11校網，數得出間間都係傳統名校，包括嘉諾撒聖心學校、聖士提反女子中學附屬小學、般咸道官立小學等。中學亦是頂級，有英皇書院、聖保羅書院、英華女學校及高主教書院等。所以話，即使唔少家長好似「孟母三遷」咁，搬嚟堅尼地城，亦正常不過，間間都係名牌學校，又點會唔吸引呢！同時帶動這區嘅物業市場非常活躍，無論係買賣或者租務市場，都有價有市。

堅尼地城環境亦勝人一籌，當中不乏公共空間供附近居民享用，例如面向卑路乍灣有新海旁街，閒時海濱散步幾咁寫意；附近嘅卑路乍灣公園，有寬闊大草地，又有大型兒童遊樂場及緩跑徑等，啱晒一家大細消磨一個下午；昔日堅尼地城出名有多個泳棚，但現在嘅堅尼地城公眾泳池亦唔失禮，室內外泳池嘅最大賣點係喺游水嘅同時，可以欣賞維港靚景。除此之外，區內屋苑附近仲有唔少行山徑，約三五知己一齊做山系男女都咪話唔寫意！呢區嘅康文設施可謂動靜皆宜，係士美非路有體育館又有圖書館。

伸延的蘇豪區
堅尼地城吸引到不少外籍人士居住，其中一個原因是在舊式嘅橫街窄巷之中，有不少時尚餐廳進駐，昔日嘅老街，活化成潮流嘅建築，可以說是蘇豪區嘅伸延，而新海旁一帶嘅露天食肆，又可讓顧客享受海濱美景。要數平民食肆，有士美菲路市政大廈及石山街熟食中心等。

📌 有任何關於樓市或按揭問題，歡迎於下面留言，或向我們的在線客服查詢：https://bit.ly/2PO3wAH

▼▼查看更多▼▼
即上《美聯物業》官方網頁：https://www.midland.com.hk
訂閱《美聯物業》YouTube 頻道：http://bit.ly/35WUcxt
讚好《美聯物業》Facebook 專頁：http://bit.ly/34Fa7k1
追蹤《美聯物業》Instagram 帳戶：http://bit.ly/2DB1X07
關注微信公眾號：meilian_hk (美聯物業香港)