多倫多以北睇 Drive-Through 聖誕燈飾 - Uxbridge Optimist Fantasy of Lights

Описание: 多倫多以北睇 Drive-Through 聖誕燈飾 - Uxbridge Optimist Fantasy of Lights @加拿大多倫多以北生活分享 North of Toronto Life

今集分享喺加拿大多倫多地區興起嘅 Drive-Through 睇聖誕燈飾, 即係市民揸車到指定地點路線一路揸車司機同乘客可以坐喺車內近距離欣賞 Christmas Lights 聖誕燈飾!

最近多倫多開始好有聖誕氣氛, 好多加拿大人都好重視聖誕節呢個節日, 都會肯喺自己屋企屋內甚至屋外前園地方佈置聖誕裝飾, 有啲屋放巨大吹氣聖誕老人, 有啲屋本身已經成間別墅咁大, 加埋聖誕燈飾多同靚得誇張! 街外仲有唔少地方參辦一年一度聖誕活動, 喺多倫多最出名有 Downtown Toronto Distillery District 嘅聖誕市集! 不過亦有唔少公司或者組織集團搞聖誕燈飾活動, 慶祝 Christmas 聖誕節, 帶比市民歡樂! 喺 Facebook 或者 Meta 睇到多倫多地區都有唔少地方可以睇 Drive-Through 聖誕燈飾! 今次想到多倫多以北地方睇, 揸車到多倫多以東北 Uxbridge 鎮睇, 嗰度 Elgin Park 公園一帶地方舉行 Uxbridge Optimist Fantasy of Lights Drive-Through 聖誕燈飾 event!

由 York Region 約克區揸車向東行, 如果由 Newmarket 出發大約揸半個鐘車程就到 Drive-Through 睇燈飾場地! 不過揸車真係要好小心, 冬天尤其係近聖誕期間好早日落, 揸去 Uxbridge 時天已經黑晒, 大部分揸車路經地方都係郊區, 雖然間中有民居嘅屋, 但係絕大部份街道冇街燈, 路係小路, 有時有暗斜, 車速快, 如果遇上落雪揸車就更加要好小心!

到場地前先到附近 plaza 食 dinner, 到一間好靚幾大間 Wendy's 餐廳食嘢! 其實 Uxbridge 喺一個好正環境清靜嘅地方, 早前本 channel 介紹過關於 Uxbridge 遊覽! Uxbridge 係多倫多周邊小鎮好去處古老小鎮, 有啲英式古老, 具有豐富文化遺產, 行小鎮大街 Brock Street 可以感受小鎮風情! 今次就特別夜晚嚟 Uxbridge, 當時其實都係 6, 7 點左右, 唔係太夜, 只係好早天黑!

今次比大家欣賞 Fantasy of Lights, 由 Optimist Club of Uxbridge 參辦! 地點喺 Uxbridge 嘅 Elgin Park Drive! 最吸引地方嘅除咗睇到活動宣傳啲燈飾好靚之外, 仲喺免費入場, 好難得, 因為好多其他私人公司多倫多地區搞嘅睇燈飾係項目要比入場費! Fantasy of Lights 免費, 不過大會鼓勵可以比 donation, 睇完燈飾有個位收集市民捐款, 可以係 cash 或者 tap!

今次睇 Uxbridge Fantasy of Lights 大開眼界, 估唔到比想像中大規模得多! 以為整個場除咗donation 外唔洗比錢行幾分鐘, 原來慢慢跟住前面架車行都揸咗差唔多有十幾分鐘, 沿途兩旁有大量超靚燈飾睇, 水準幾高! 雖然冇喺香港尖東海旁有啲商廈外嘅聖誕燈飾咁大, 但係 Fantasy of Lights 每個燈飾都有主題, 有 design, 雖然冇佩埋音樂, 但係好有心機整, 值得一讚! 見到場內啲客人揸車都好守規矩, 慢慢揸可以讓大家一齊細心欣賞聖誕燈飾! 今日天氣較暖, 之前有嘅積雪差唔多溶晒, 如果落緊雪或者有雪鋪落燈飾度會更加靚! 不過宜家現場睇已經可以感受到聖誕節節日氣氛啦!

聽講以前呢度仲有得 horse-drawn wagon rides 坐馬車! 今年 2021年可能因為疫情關係, 只有得睇 Christmas lights, 仲要係以 drive-through 形式, 其實 drive-through 呢個概念唔錯, 市民唔需要近距離接觸任何人同物品, 又安全又快捷! 大會冇令市民失望, 加咗好多靚燈飾! 原來過去13年已經喺 Uxbridge 有呢個活動, 帶比 Uxbridge 居民, 同埋其他地區包括多倫多地區遠道以來嘅來賓節日氣氛! 呢個場開放時間亦都好長, 由12月4日開到1月2日 6pm-9:30pm, 連平安夜同聖誕節正日當晚都開, 正呀, 真係好想再睇多次呢個其中一個加拿大安省最大嘅睇燈飾地點! 原來 Fantasy of Lights 有成 75 light displays, 唔怪之得比想像中大規模, 擺放燈飾嘅包括來自 Uxbridge 社區團體, 商業機構, 學校, 教會, 當地家庭等等! 呢度值得推介! 就算今年冇嚟或者 miss 咗參觀將來都值得到此一遊, 係多倫多好去處, 用 amazing 形容呢個有意義 event!


--------------------
Welcome to 加拿大多倫多以北生活分享 North of Toronto Life! 😊
如果鍾意我 Channel & Videos,
請大家 Like & Subscribe!!
可以 Share 比朋友睇!!
--------------------
YouTube channel URL🎬:
   / northoftorontolife  
--------------------
我會努力繼續分享更多多倫多地區資訊比大家!
多謝各位支持! 😊
--------------------

Video 關鍵字:
#多倫多 #多倫多生活 #加拿大生活 #移民加拿大 #移民多倫多 #多倫多睇燈飾 #ChristmasLights #聖誕燈飾 #DriveThrough #Uxbridge #FantasyofLights #多倫多揸車 #佈置聖誕 #吹氣聖誕老人 #多倫多好去處