لفح الهبايب - خالد ال بريك & محمد الاسعدي - مسرفٍ بالحب لو خاطره من ما فيه تايب 2025

Описание: ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

  / u511a  



لفح الهبايب


ادبح الليل و خفوقي تجرحه لفح الهبايب
والطواري حدته حتى رمى البسمه خلافه

لا دله قامت تذكره السحايب بـ الحبايب
و يتوسده الحنين و ياكل ابهام الحسافه

ضاع عمره يلحق احلامٍ معلقها … بـ غايب
كان ما الله رجعه .. ما رجعه كهن و عرافه

مسرفٍ بالحب لو خاطره من ما فيه تايب
يدري ان الحب ذنب و ما يتوب مْن اقترافه

راحت دموعه على الحظ الردي تدفع ضرايب
لا حبيب و لا وصال و لا جسور و لا رصافه

و الجروح ام الشقا و ام المضاريب العطايب
شرع ضلوعه و قلطها على قل الكلافه

كلّ جرحٍ لو صغير .. يقدره تقدير شايب
و يْتمركى فالحشا بين القساوه و المرافه

ما عليه من الزمن لو الزمن وش كان جايب
وش بقى ما شاف منه اكثر من اللي منه شافه

زبدة ايامه هجاد و ثمرة افراحه نهايب
و الامل جنة متاهه و الندم جمرة مسافه

ما يبرد حره الا ثامن السبع العجايب
اسعديٍ روحه بـ كفه و في راسه حصافه

العضيب مْن الرها يشرب فناجيل المصايب
و المصايب لا نسف بشته تحس انها طرافه

كف جارالله تحسب المال في راحته سايب
مشغلٍ من دون وجه عتيبه بنوك الصرافه

و السجين اللي دموعه من عنا دينه سكايب
شيّخته فعول شيخٍ فيه طيب و فيه انافه

في سباق الطيب ما يرضى المهونه والغلايب
اتعب اللسنة المجالس واتعب اقلام الصحافه

اعذب من الما القراح اللي من بطون السحايب
القمر يسطع بنوره و النهر ينهل ضفافه

يسري الليل الطويل و لو وراه الذيب هايب
يمسح براسه و يقطع قدمه دروب المخافه

ركن اساعدة السعد ستر الهنوف ام الذوايب
وين ما وجه بـ وجهه حط لـ الامجاد اضافه

من كثر ما فاتحٍ قصره لـ حزات النشايب
صار قصر الاسعدي نبذه عن قصور الخلافه

لا دخله اللي من الايام لاحقته … عقايب
يطلع مْن الفرحه تْقول انه بـ ليلة زفافه

جار جار الله حظيظ و جيرته خير الوهايب
خطوتين و عند بابه لا خطوط ولا صلافه

ابن عمي يوم كلٍ له ربوع و له قرايب
قال لو تفقد عيونك لا تلحقهااا حسافه

نطرح الذيب و عيونه منه ناخذها غصايب
وانت مامن فرق مثله بـ المساري و الحيافه

من يعلق فيه ظنه ما يروح … ( الظن خايب )
يبشر بـ سيلٍ من ( الزلفي ) يبدد له جفافه

و الملوك تْعرفه انه لاوي ارقاب الصعايب
من خلق الله و هو ما عاش عمره في ضعافه

في مجالسهم مكانه صدر لا حطّ الركايب
ماهو بْـ بشتٍ لامره كاتب التاريخ .. طافه