Amateka y’igisirikare cya Afurika y'Epfo

Описание: Ingabo z'Igihugu cya Afurika y'Epfo (South African National Defence Force) SANDF zashinzwe mu mwa w’1994 nyuma yo gusimbura izari zisanzwe ari zo ngabo z’Igihugu zitwaga South African Defence Forces (SADF). SANDF yashyizweho hifashishijwe guhuza SADF n’ingabo zahoze mu bihugu byitwaga Bantustan, hamwe n’ingabo z’imwe na zimwe zari zari mu mitwe ya politiki.
Ibyo maze kuvuga ushobora kuba utabyumvise neza kubera amazina 2 yenda gusa ariko afite itanduknairo rito. SANDF na SADF. Ubundi Afurika yepfo yaranzwe no guturwa n’abantu b’ubwoko bwinshi kandi bafite impu zidasa. Abirabura gakondo, abazungu b’iburayi,abazungu bo muri Aziya,abanyamerika abarabu mbese uruvange rw’amoko y’abantu. Ndetse aba b’uruhu rwera n’aburw’umuhongo twita abazungu muri rusange baraje barusha imbaraga abaturage gakondo ba hano muri Afrika y’epfo. Ntabwo twabyita ubukoloni ahubwo byari ugushimuta igihugu. Kuko Igihe cyitwa icy’ubukoroni gisa n’icyarangiye mu nko mu 1965. Ibihugu byinshi byari byarabonye ubwigenge. Afurika y’epfo ho abazungu bari barahaje bari baraje baratura,abafite imiryango barayizana bafata amasambu baratura. Bafata igihugu baracyiyobora, bashyira abana babo mu mashuri babaha ibya ngombwa n’ubwenegihugu, bahamagara n’abandi ba nyirakuru, ba nyirasenge, ba sewabo n’abandi b’inshuti n’abavandimwe bati nimuze muri Afurika twabonye igihugu twituriramo kikaba icyacu. Bati kandi iki gihugu ni cyiza cyane gikikijwe n’amazi y’inyanja bati mbese hameze nk’iwacu neza neza.
Abazungu batuye afurika y’epfo imyaka myinshi ndetse bategeka abirabura gakondo bimwe birengeje ubukoloni. Barababaje bimwe bikomeye pe. Gusa abirabura bamwe na bamwe bize ni bo bagejeje aho iki kintu cyo guheza abirabura mu bintu byose gihagarara burundu. Ntaragera aho nkubwira uko iri hezwa ryahagaze, ndagirango nkubwire ko igihe cy’ubu butegetsi bw’abazungu ari bwo bari bafite igisirikare cyitwa SADF (South African Defence Forces ) Ijambo “National” ntabwo ryari ririmo. Bitwaga gusa “South African Defence Forces” Aha ngeze rero ninayo mpamvu inyandiko nyinshi uhereye no ku nyandiko z’urubuga rwa WIKIPEDIA usanga bandika ngo igisirikare cy’igihugu cya Afrika y’ephfo cyashinzwe mu 1994. Ni ukubera y’uko ari bwo hagiyeho ubutegetsi bw’abazungu bwavuyeho hakajyaho Perezida wa mbere w’umwirabura gakondo wa Afurika y’epfo wanabaye icyamamare nawe ushobora kuba uzi cg warumvise witwa Nelson Rolihlahla Mandera. Nelson Mandera yarahiriye kuba Perezida wa Afrika y’epfo tariki 10 z’ukwezi kwa 4 mu 1994.
Uyu mwaka rero ni nawo natangiye nkubwira ngo ni bwo igisirikare cya Afrika y’epfo cyashinze kuko bahise bakora amavugurura abasirikare b’abazungu bavangwa n’abirabura bari bagiye ku ikosi uwo mwaka kiba igisirikare kivanze abirabura n’abazungu banagihindurira izina nk’uko nabivuze ngitangira Izina ryacyo riba Igisirikare cy’Igihugu cya Afrika y’epfo aho kuba Igisirikare cya Afrika y’epfo. Mu byo ukuri nta kintu gifataika cyahindutse byari nk’amahendabana ngo bitwe ko bahinduye ariko byagumye uko byai bisanzwe. Mu cyongereza ni ho wumva hasa n’ahajemo ijambo rishya aho mbere byari (South African Defence Force) noneho bakongeramo ijambo “National” bigahinduka (South African NATIONAL Defence Force).