Top News - Raketat e Iranit 'kërcënojnë' Portin e Durrësit. Lufta mund të pezullojë investimin

Описание: Lufta në Iran mund të ketë pasoja edhe në një prej investimeve më të mëdha të huaja në Shqipëri, atë Mohamed Alabbar në Portin e Durrësit. Financial Times raporton se tre nga katër ekonomitë më të mëdha të vendeve të Gjirit po shqyrtojnë mundësinë e tërheqjes së investimeve të jashtme për të përballuar kostot e luftës me Iranin dhe pasojat ekonomike të konfliktit.
Arabia Saudite, Emiratet e Bashkuara Arabe dhe Kuvajti po përballen me vështirësi në eksportin e karburanteve, rënie drastike të arkëtimeve nga shitjet dhe kosto mbrojtjeje nga raketat iraniane, që në total shkon deri në 1 miliard dollarë në ditë. Për këtë arsye qeveritë e gjirit, po vlerësojnë mundësinë e pezullimit të investimeve të mëdha në vendet e tjera të botës.
Emaar Properties, e udhëhequr nga Mohamed Alabbar, ka marrë përsipër një investim të madh prej dy miliardë dollarësh për të transformuar Portin e Durrësit, në një marinë moderne jahtesh dhe destinacion turistik. Projekti është pjesë e një plani më të gjerë për të modernizuar turizmin shqiptar.
Mohamed Alabbar është themeluesi i Emaar Properties, gjigantit të pasurive të patundshme me seli në Dubai, përgjegjës për projekte ikonike si The Dubai Mall. Rreth 22 për qind e aksioneve të Emaar zotërohen nga Korporata e Investimeve të Dubait, që është krahu kryesor i investimeve të Qeverisë së Dubait, e themeluar në vitin 2006 për të menaxhuar dhe konsoliduar portofolin e kompanive tregtare të qeverisë. Pra një pjesë e kuotave të kompanisë që ka marrë përsipër investimin në Durrës, zotërohet nga qeveria e Dubait, e cila tashmë po vlerëson mundësinë e tërheqjes nga investimet e huaja.

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Porti#Durres