၂၀၂၆ ခုနှစ် ဖေဖော်ဝါရီလ ၂၀ ရက်နေ့ မြန်မာ့ပြည်တွင်း နိုင်ငံရေး စစ်ရေး

Описание: ၂၀၂၆ ခုနှစ် ဖေဖော်ဝါရီလ ၂၀ ရက်နေ့ အတွက် ရရှိထားတဲ့ မြန်မာ့ပြည်တွင်း နိုင်ငံရေး စစ်ရေး သတင်းခေါင်းစဉ်များ အစီအစဉ် ကိုတင်ဆက် လိုက်ပါတယ်

ရခိုင်ပြည်နယ်၊ ရမ်းဗြဲမြို့နယ်မှာစစ်တပ်ရဲ့ လေကြောင်းဗုံးကျဲတိုက်ခိုက်မှုကြောင့် ပြည်သူ ၂ ဦး သေဆုံးပြီး လူနေအိမ်များ ပျက်စီးခဲ့သလို၊ စစ်ကိုင်းတိုင်း၊ တန့်ဆည်မြို့နယ်တွင်လည်း ကျေးလက်ဆေးပေးခန်းတစ်ခု လေကြောင်းတိုက်ခိုက်ခံရကာ အဆောက်အအုံ ပျက်စီးခဲ့ကြောင်း ဒေသခံများနှင့် သက်ဆိုင်ရာ အဖွဲ့အစည်းများထံမှ သိရပါတယ်

ရမ်းဗြဲမြို့နယ်၊ သရက်ချိုကျေးရွာအတွင်းရှိ ရဲစခန်းဟောင်း၊ ဈေးနှင့် ကူတိုးဆိပ်တို့ကို ဖေဖော်ဝါရီ ၁၉ ရက်နေ့တွင် ဂျက်ဖိုက်တာလေယာဉ်များနဲ့ ဗုံးကျဲတိုက်ခိုက်ခဲ့ရာ အသက် ၂၀ ကျော်အရွယ် အမျိုးသား ၂ ဦး သေဆုံးခဲ့ပြီး အရပ်သားအချို့ ထိခိုက်ဒဏ်ရာရရှိခဲ့ကြောင်း သိရသည်။ ထို့အပြင် တန့်ဆည်မြို့နယ်၊ ကုန်းရိုးကျေးရွာရှိ ဆေးပေးခန်းကိုလည်း ဖေဖော်ဝါရီ ၂၀ ရက်နေ့တွင် လေကြောင်းဖြင့် ထပ်မံတိုက်ခိုက်ခဲ့ရာ လူထိခိုက်မှု မရှိသော်လည်း အဆောက်အအုံ ထိခိုက်ပျက်စီးခဲ့ကြောင်း သိရှိရပါတယ်

ရှမ်းပြည်နယ်မြောက်ပိုင်း၊ ကွတ်ခိုင်နဲ့ သိန္နီမြို့တွေမှာ ညီနောင်မဟာမိတ်နှစ်ဖွဲ့ဖြစ်တဲ့ MNDAA နဲ့ TNLAတို့ကြား နယ်မြေစိုးမိုးရေးနဲ့ အုပ်ချုပ်ရေးဆိုင်ရာ အငြင်းပွားမှုတွေကြောင့် တင်းမာမှုအရှိန်မြင့်တက်နေပါတယ်။

ကွတ်ခိုင်မြို့ကိုဝင်တဲ့ လမ်းကြောင်း ၅ ကြောင်းမှာ MNDAA ဘက်က စစ်အင်အား ၂,၀၀၀ ခန့်နဲ့ ပြင်ဆင်ထားတာတွေတွေ့ရတယ်လို့ မြေပြင်သတင်းရင်းမြစ်တွေကပြောပါတယ်။ ပြီးခဲ့တဲ့ ရက်ပိုင်းက ကွတ်ခိုင်မြို့ပေါ်မှာ MNDAA တပ်ဖွဲ့ဝင်တွေ ဖယ်ရှားခံလိုက်ရပြီးတဲ့နောက် ဖြစ်ပေါ်လာတာဖြစ်ပါတယ်။

အလားတူ သိန္နီမြို့မှာလည်း TNLA တပ်ဖွဲ့ဝင် ၅၀ ခန့်ကို MNDAA က ဖမ်းဆီးထိန်းသိမ်းလိုက်တဲ့အတွက် TNLA ဦးဆောင်တဲ့ ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီ ကို ကြားဝင်ဖြေရှင်းပေးဖို့ တောင်းဆိုထားကြောင်း သိရပါတယ်။

BNRA အဖွဲ့ရဲ့ ထိပ်ပိုင်းခေါင်းဆောင်များဖြစ်တဲ့ သုဘရာဇာနှင့် ဒေါင်းညိုတို့ကို PDF တပ်ဖွဲ့များက ထိန်းသိမ်းထားပြီး လက်ရှိတွင် အသက်ရှင်လျက် ကောင်းမွန်စွာရှိနေကြောင်း ယင်းမာပင်ခရိုင် တပ်ရင်း(၂၈) တပ်ရင်းမှူးဗိုလ်စွမ်းက ဖေဖော်ဝါရီ ၂၀ ရက် နံနက်ပိုင်းတွင် ရုပ်သံမှတ်တမ်းနှင့်အတူ ထုတ်ပြန်ကြေညာခဲ့ပါတယ်

အဆိုပါခေါင်းဆောင်နှစ်ဦးဟာ ဖေဖော်ဝါရီ ၁၇ ရက်တွင် ပုလဲမြို့နယ်အတွင်း ဖြစ်ပွါးခဲ့တဲ့ တိုက်ခိုက်မှုများအတွင်း ဖမ်းဆီးထိန်းသိမ်းခံရခြင်းဖြစ်ပြီး၊ ၎င်းတို့ကို သတ်ဖြတ်လိုက်ပြီလို့ လူမှုကွန်ရက်များတွင် ပျံ့နှံ့နေသည့် သတင်းများကိုလည်း သက်ဆိုင်ရာတာဝန်ရှိသူများက ငြင်းဆိုထားပါတယ် ။

ပြီးခဲ့တဲ့ ဖေဖော်ဝါရီလ ၁၆ ရက်နေ့က ကျောက်ကြီးမြို့နယ်မှာ အာဏာသိမ်း စစ်တပ်ရဲ့ မူးယစ်ဆေးဝါး ဖြန့်ဖြူးခိုင်းစေမှုကို ခံနေရတဲ့ အသက် ၁၆ နှစ်အရွယ်နှင့် ၁၃ နှစ်အရွယ် အသက်မပြည့်သေးသူ ကလေး ၂ ဦးကို WY မူးယစ်ဆေးဝါး အလုံး ၁၀၀ ခန့် သယ် ဆောင်လာစဉ်မှာ ကရင်အမျိုးသားရဲတပ်ဖွဲ့ KNPF က ဖမ်းဆီး စစ်ဆေး ထိန်းသိမ်းနိုင်ခဲ့ကြောင်း သိရပါသည်။ အကြမ်းဖက်စစ်တပ်ထံမှတဆင့် ရရှိလာသော WY ဆေးပြားများနှင့်အတူ ကလေး ၂ ဦးကို KNPF က ဖမ်းဆီးရမိ ကြောင်း KNU ဗဟိုက သတင်းထုတ်ပြန်ထားပါတယ် ။

ကချင်ပြည်နယ်၊ ဗန်းမော်မြို့နယ်အတွင်း တိုက်ပွဲများ တစ်နှစ်ကျော်ကြာ ဆက်လက်ပြင်းထန်နေပြီး KIA) ၏ ထိုးစစ်များကို စစ်ကော်မရှင်ဘက်မှ အင်အားထောင်ချီ အသုံးပြုကာ လေကြောင်းပစ်ကူကို အဓိကထား၍ “ခံစစ်အသေ” အနေအထားဖြင့်သာ တောင့်ခံနေရကြောင်း စစ်ရေးသတင်းရင်းမြစ်များက ပြောသည်။

ဗန်းမော် စစ်မျက်နှာတစ်ခုတည်းကို
စစ်ကော်မရှင်က အနည်းဆုံး အင်အား ၉၀၀ မှ ၁၅၀၀ ကျော်အထိ တပ်ဖြန့်ထားရပြီး ယခင် သိမ်းယူထားသည့် စခန်းများကို ပြန်လည်ရယူနိုင်ခြင်း မရှိသေးသည့်အပြင် KIA ဘက်မှ ဆက်လက်အသာစီးယူထားကြောင်း သိရသည်။



#Voice4SafetyMM #KnowledgeSavesLives #SafetyAwareness #StaySafeMyanmar #Community