MS Exceldə nisbi və mütləq ünvanlamalar

Описание: #YasharBekov #Exceliöyren #BizimleAsandir
Elektron cədvəl proqramında xanalar ünvanlaşdırma cəhətdən nisbi ünvan və mütləq ünvana ayrılır.
Xananın ilkin verilənlərini saxlamayan və düsturların köçürülməsi və yerdəyişməsi zamanı dəyişən ünvan nisbi ünvan adlanır. Məsələn A1, K5, IV65536 və s. Nisbi ünvanlar hesablama prosesində dəyişə bilən ünvanlardır. Onlarda dəyişən məlumat yazılır.
Xananın ilkin verilənlərini saxlayan, düsturların köçürülməsi və ya yerdəyişməsi zamanı dəyişməyən (sabit qalan) ünvan mütəq ünvan adlanır. Mütləq ünvanlaşdırma $ (dollar) işarəsi ilə göstərilir. Mütləq ünvandan nisbi ünvana keçidi və ya əksini klaviaturadan F4 funksional düyməsi ilə yerinə yetirmək olar. Mütləq ünvanlaşdırma 3 formada göstərilə bilər:
$ işarəsi ancaq sütun adının qarşısındadırsa, düsturların köçürülməsi və ya yerdəyişməsi zamanı sütun adı dəyişməz (sabit) qalır, sətir nömrəsi isə dəyişir. Məsələn, $C1, $A25 və s.
$ işarəsi ancaq sətir nömrəsinin qarşısındadırsa, düsturların köçürülməsi və ya yerdəyişməsi zamanı sətir nömrəsi dəyişməz (sabit) qalır, sütun adı isə dəyişir. Məsələn, C$1, A$25və s.
$ işarəsi həm sütun adının qarşısında, həm də sətir nömrəsinin qarşısındadırsa, onda düsturların köçürülməsi və ya yerdəyişməsi zamanı həm sütun adı, həm də sətir nömrəsi dəyişməz qalır. Bu halda məlumat həmişə 1 xanadan götürülür. Başqa sözlə, bütün hesablamalarda bu xanadakı məlumat istifadə olunur. Məsələn, $C$1, $A$25və s.
Xananın sütun adı və ya sətir nömrəsinin birinin qarşısında $ işarəsi göstərilirsə, belə ünvanlaşdırma qarışıq ünvan da adlanır. Məsələn, $K5, D$35 və s.