រឿងរាមកេរ្តិ៍ វគ្គ ៣៥

Описание: រឿងរាមកេរ្តិ៍ វគ្គ ៣៥
វីដេអូនេះនិយាយអំពីការត្រៀមលក្ខណៈចូលលុកលុយទីក្រុងលង្កាបន្ទាប់ពីទទួលបានពត៌មានច្បាស់ការពីហនុមាន បន្ទាប់មកព្រះរាមបញ្ជាអោយពលទាហ៊ាននិងវិស្វករសង់ស្ពានទៅកាន់កោះលង្កា ពលស្វារាប់លានក្បាលបានជញ្ជូនដំថ្មពីភ្នំយកទៅទម្លាក់ក្នុងសមុទ្រដើម្បីសង់ស្ពាន ថ្មដែលបានទម្លាក់ចូលចេះតែបាត់បង ហនុមានបានចុះទៅបាតសមុទ្រដើម្បីរកមើលមូលហេតុ នៅទីបំផុតពពួកមច្ឆាបាននំាគ្នាជញ្ជូនចេញ ហនុមានបានទៅជួបនាងមច្ឆាដើម្បីពន្យល់ហេតុផលដែលត្រូវសង់ស្ពានទៅកាន់ក្រុងលង្កា នាងមច្ឆាបានយល់ជ្រាបអំពីមូលហេតុនេះ នាងមច្ឆាចាប់ផ្តើមជួយជ្រោមជ្រែងដើម្បីសង់ស្ពាន។ ហនុមានចាប់ចិត្តស្រឡាញ់នាងមច្ឆាបានរៀបការនិងគ្នាបានកូនមួយឈ្មោះ មច្ឆានុព្វខណៈដែលក្រុងរាពណ៍ បានដឹងថាព្រះរាមកំពុងលើកទ័ពចូលលង្កា ក្រុងរាពណ៍ភ័យខ្លំាងណាស់ខិតខំរកវិធីគ្រប់បែបយ៉ាងដើម្បីទប់ទល់ មានមន្ត្រីមួយចំណួនបានណែនំាក្រុងរាពណ៍អោយដោះលែងនាងសិតាត្រឡប់ទៅវិញតែព្រះរាមមិនទទួលយកសំណើរទំាងនោះទេ សូម្បីប្អូនប្រុសរបស់ខ្លួនគឺ ពិភេកបានណែនំាអោយក្រុងរាពណ៍ដោះលែងសិតា ក្រុងរាពណ៍ក៏មិនស្តាប់ផងដែរព្រមទំាងបណ្តេញ ពិភេកចេញពីនគរ ពិភេកបាននំាមន្ត្រីរបស់ក្រុងរាពណ៍មួយចំណួនចាកចេញពីលង្កាដើម្បីមករួមរស់ជាមួយព្រះរាមវិញ។