ဒေါ်အောင်ဆန်းစုကြည်ရဲ့ ဦးဆောင်မှုအပေါ် ဦးဝင်းထိန် ဘယ်လိုမြင်လဲ

Описание: ဒေါ်အောင်ဆန်းစုကြည်ရဲ့ ဦးဆောင်မှုအပေါ် ဦးဝင်းထိန် ဘယ်လိုမြင်လဲ

*************************

အမျိုးသားဒီမိုကရေစီအဖွဲ့ချုပ်(NLD)သည် ၂၀၁၅ အထွေထွေရွေးကောက်ပွဲအနိုင်ရရှိပြီးနောက် အစိုးရ တစ်ရပ် ကို ဖွဲ့စည်းခဲ့သည်။ထို့နောက် တိုင်းဒေသကြီးနှင့် ပြည်နယ် ဝန်ကြီးချုပ်များကို ရွေးချယ် ခန့်အပ်ခဲ့သည်။

အဆိုပါ တိုင်းဒေသကြီးနှင့် ပြည်နယ် ဝန်ကြီးချုပ်များ ရွေးချယ် ခန့်အပ်ခဲ့ရာမှာလည်း အငြင်းပွားမှုများ ဖြစ်ပွားခဲ့ သလို လက်ရှိ NLD အစိုးရ ခန့်အပ်ခဲ့သည့် တနင်္သာရီတိုင်းဒေသကြီး ဝန်ကြီချုပ်ဟောင်း ဒေါ်လဲ့လဲ့မော် အဂတိ လိုက်စားမှုနှင့် ပြီးခဲ့သည့်ရက်ပိုင်းက ထောင်ဒဏ် အနှစ် ၃၀ ချမှတ်ခံလိုက်ရခြင်းအပေါ်မှာလည်း အငြင်းပွားမှု တချို့ရှိနေပြန်သည်။

ထို့ကြောင့် NLD ပါတီ အနေဖြင့် အစိုးရ အဖွဲ့ တာဝန်လွှဲပြောင်းသည့်အခါ အာဏလွှဲပြောင်းရေးချောမွေ့စေရန် မည်သို့ ဆောင်ရွက်ခဲ့ရသနည်း၊ တိုင်းဒေသကြီးနှင့် ပြည်နယ်ဝန်ကြီးချုပ်များကို မည်သည့် မူဝါဒဖြင့် ရွေးချယ် တင်မြောက်ခဲ့သနည်း၊ ၂၀၂၀ အထွေထွေရွေးကောက်ပွဲတွင် ၂၀၁၅ အထွေထွေရွေးကောက်ပွဲတုန်းကကဲ့သို့ ရွေးချယ် တင်မြောက်ခံရနိုင်ခြေရှိသလား၊ ဒေါ်အောင်ဆန်းစုကြည်၏ တစ်ဦးတည်း ဆုံးဖြတ်ချက်များ ချမှတ် နေခြင်းပေါ် NLD ပါတီက မည်သို့ လက်ခံထားသလဲ စသည့် အခြေအနေများအပေါ် NLD ပါတီ၏ နာယက ဖြစ်သူ ဦးဝင်းထိန်ကို မဇ္ဈိမ မီဒီယာမှ အယ်ဒီတာ ချစ်မင်းထွန်းက တွေ့ဆုံမေးမြန်းထားပါသည်။


#NLD #ဦးဝင်းထိန် #ဒေါ်အောင်ဆန်းစုကြည်