“Tirana ka vajza të jashtëzakonshme”, Norvegjia nis hetimet ndaj ish-kryeministrit Jagland

Описание: Policia në Norvegji ka nisur një hetim të bujshëm për korrupsion ndaj ish-kryeministrit të vendit Thorbjorn Jagland.

Ky skandal lidhet me dokumentet e reja të publikuara në Amerikë mbi financierin Jeffrey Epstein i cili u vetëvra në burg.

Njësia speciale kundër krimit ekonomik dyshon se 75-vjeçari është përfshirë në korrupsion të rënduar gjatë kohës që mbante poste të larta.

Policia tashmë i ka kërkuar zyrtarisht Ministrisë së Jashtme heqjen e imunitetit diplomatik për ish-zyrtarin e lartë.

Jagland ka shërbyer për dhjetë vite si Sekretar i Përgjithshëm i Këshillit të Europës dhe ka drejtuar Komitetin e Nobelit.

Emri i tij doli në dritë pas një emaili ku ai i shkruante Epstein-it për një vizitë në Tiranë dhe vajzat që kishte parë atje.

Kreu i njësisë hetimore Pal Lonseth u shpreh se ka baza të forta për të nisur këtë proces verifikimi. Hetuesit do të skanojnë çdo dhuratë, udhëtim apo hua që ish-kryeministri mund të ketë përfituar falë pozicionit të tij.

Ministri i Jashtëm norvegjez theksoi se është jetike që të gjitha faktet e kësaj historie të zbardhen sa më parë.

Nga ana tjetër avokati i Jagland ka deklaruar se klienti i tij është i pafajshëm dhe do të bashkëpunojë me drejtësinë. Ai u shpreh i bindur se pas dorëzimit të dokumenteve vërtetësia do të dalë në shesh shumë shpejt.

Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#lajme #RTSH #news