ಜಯ ಮಧ್ವವಲ್ಲಭ | ಶ್ರೀ ವಾದಿರಾಜರು | Jaya madhwavallabha | Sri Vadirajaru

Описание: ಜಯ ಮಧ್ವವಲ್ಲಭ ಜಯಶುದ್ಧ ಸುಲ್ಲಭ
ಅಂಕಿತನಾಮ: ಹಯವದನ
ಗಾಯಕಿ: ಶ್ರೀಮತಿ ಸುಧಾ ಶ್ರೀನಿವಾಸಮೂರ್ತಿ
Jayamadhwavallabha Jaya shudhasullabha
Ankitanama: Hayavadana
Singer: Smt Sudha Srinivasamurthy

ಶ್ರೀಮದಾನಂದತೀರ್ಥ-
ಭಗವತ್ಪಾದಾಚಾರ್ಯರಿಂದ ಸನ್ಯಾಸದೀಕ್ಷೆ ಪಡೆದು ಮೂಲಶಿಶ್ಯರಾಗಿ ಮಧ್ವಮತ
ಪ್ರಚಾರಕರಾದ 9 ಯತಿಶ್ರೇಷ್ಠರ ಬಗ್ಗೆ ಹಾಡು.


ಜಯ ಮಧ್ವವಲ್ಲಭ ಜಯಶುದ್ಧ ಸುಲ್ಲಭ
ಜಯ ಪದ್ಮನಾಭ ಉಡುಪಿನ
ಜಯ ಪದ್ಮನಾಭ ಉಡುಪಿನ ಶ್ರೀಕೃಷ್ಣ
ಜಯ ದುರ್ಜನರಿಗೆ ಅತಿದೂರ ಸುವ್ವಿ ಸುವ್ವಿ ಸುವ್ವಾಲೆ ||ಪ||

ಸುರರ ಶಿರೋರನ್ನ ಗರುಡವಾಹನನೆ
ಕರುಣಸಂಪನ್ನ ಉಡುಪಿನ
ಕರುಣಸಂಪನ್ನ ಉಡುಪಿನ ಶ್ರೀಕೃಷ್ಣ
ಶರಣಾಗೋ ಧನ್ಯ ಜನರಿಗೆ || ೧ ||

ಮೇಲೆ ಸತ್ಯಲೋಕ ಆಳುವ ಧೀರನೆ
ಶ್ರೀಲೋಲನಂಘ್ರಿ ಭ್ರಮರನೆ
ಶ್ರೀಲೋಲನಂಘ್ರಿ ಭ್ರಮರನೆ ಶ್ರೀಕೃಷ್ಣ
ಶ್ರೀ ಮುಖ್ಯಪ್ರಾಣಗೆ ಎರಗುವೆ || ೨ ||

ರಾಮನಂಫ್ರಿಯ ಸೇವೆ ಪ್ರೇಮದಿಂ ಮಾಡಿದ
ಶ್ರೀಮಂತ ನಮ್ಮ ಹನುಮಂತ
ಶ್ರೀಮಂತ ನಮ್ಮ ಹನುಮಂತನೆಂದವಗೆ
ಕಾಮಿತಾರ್ಥಗಳ ಕೊಡುವನೆ || ೩ ||

ಭಾರತ ಯುದ್ಧದಲಿ ಬಾಹುಬಲ ತೋರಿದ
ಧಾರಿಣೀಶ್ವರ ತಿಲಕನೆ
ಧಾರಿಣೀಶ್ವರ ತಿಲಕನೆ ಶ್ರೀ ಭೀಮ
ಸಾರಿದ ಜನರ ಸಲಹುವ || ೪ ||

ಶುದ್ಧಶಾಸ್ತ್ರಗಳಿಂದ ಗೆದ್ದು ವಾದಿಗಳನು
ಹೊದ್ದಿದ ಜನರ ಕರುಣದಲಿ
ಹೊದ್ದಿದ ಜನರ ಕರುಣದಲಿ ಹೊರೆವ ಶ್ರೀ
ಮಧ್ವಮುನಿಪನ ಭಜಿಸುವೆ ||೫ ||

ಹರಿಯ ಸತ್ಕರದಲ್ಲಿ ಕರುಣಂಗಳೊಡನೆ
ದುರುಳ ವಾದಿಗಳ ಗೆಲಿದನೆ
ದುರುಳ ವಾದಿಗಳ ಗೆಲಿದನೆ ಹೃಷಿಕೇಶ
ಗುರುಗಳಂಫ್ರಿಗೆ ನಮಿಸುವೆ || ೬ ||

ದೇಶ ದೇಶದೊಳುಳ್ಳ ದೂಷಿವಾದಿಗಳನ್ನು
ದೂಷಿಸಿ ಹರಿಯ ಮಹಿಮೆಯನು
ದೂಷಿಸಿ ಹರಿಯ ಮಹಿಮೆಯ ಮೆರೆದ ಶ್ರೀ
ನೃಸಿಂಹತೀರ್ಥಯತಿರಾಯ || ೭ ||

ಅದೈತವಾದಿಗಳ ಗೆದ್ದು ನಿರ್ಮಲವಪ್ಪ
ಮಧ್ವಮಾರ್ಗವನು ಜಗಕೆಲ್ಲ
ಮಧ್ವಮಾರ್ಗವನು ಜಗಕೆಲ್ಲ ತೋರಿದ ಜ-
ನಾರ್ದನತೀರ್ಥಯತಿರಾಯ || ೮ ||

ಇಂದಿರೆಯರಸನ ಎಂದೆಂದು ಪೂಜಿಸಿ
ಮಂದಮಾಯಿಗಳ ಕುಮತವ
ಮಂದಮಾಯಿಗಳ ಕುಮತವ ಗೆಲಿದ ಉ-
ಪೇಂದ್ರತೀರಥಯತಿರಾಯ ||೯||

ಈ ಮಹಿಯೊಳಗುಳ್ಳ ತಾಮಸ ಜನರನ್ನು
ಶ್ರೀಮಧ್ವ ಮುನಿಪನ ಮತದಿಂದ
ಶ್ರೀಮಧ್ವಮುನಿಪನ ಮತದಿಂದ ಖಂಡಿಸಿ
ವಾಮನತೀರ್ಥರೆಸೆದರು || ೧೦ ||

ಧೀರ ತಾಪಸರಾಗಿ ಗುರುಮಧ್ವಮುನಿಯನು
ಚಾರುಚರಣಂಗಳ ಪಿಡಿದಿರ್ದ
ಚಾರುಚರಣಂಗಳ ಪಿಡಿದಿರ್ದ ಶ್ರೀವಿಷ್ಣು-
ತೀರಥರಡಿಗೆ ನಮಿಸುವೆ || ೧೧ ||

ಕಾಮನ ನೆರೆ ಅಟ್ಟಿ ಶ್ರೀಮಹಾವಿಷ್ಣುವೇ
ಸ್ವಾಮಿ ಎಂಬುದನು ಜಗಕ್ಕೆಲ್ಲ
ಸ್ವಾಮಿ ಎಂಬುದನು ಜಗಕ್ಕೆಲ್ಲ ತೋರಿದ
ರಾಮತೀರಥಯತಿರಾಯ || ೧೨ ||

ಮನುಮಥನಯ್ಯನ ಘನತೆಯ ತೋರಿಸಿ
ಜನರ ಮೋಹಗಳ ಬಿಡಿಸಿದ
ಜನರ ಮೋಹಗಳ ಬಿಡಿಸಿದ ಅಧೋಕ್ಷಜ
ಮುನಿಕುಲಾಗ್ರಣಿಗೆ ನಮಿಸುವೆ || ೧೩ ||

ಮಧ್ವಕಿಂಕರರಾದ ಪದ್ಮನಾಭಾರ್ಯರ
ವಿದ್ಯಾವೈಭವಗಳ ಪೊಗಳುವ
ವಿದ್ಯಾವೈಭವಗಳ ಪೊಗಳುವ ಕವಿಯಾರು
ಶುದ್ಧ ಮುನಿಗಳಿಗೆ ಅಳವಲ್ಲ ||೧೪||

ಸ್ವದೇವ ಹಯವದನನ ಆವಾಗ ಪೂಜಿಪ
ಪಾವನ್ನ ಮಧ್ವಮುನಿಪನ
ಪಾವನ್ನ ಮುಧ್ವಮುನಿಪನ ಶಿಷ್ಯರಾದ
ದೇವತಾಂಶಗಳ ಮರೆಹೊಕ್ಕೆ || ೧೫ ||

jaya madhvavalla Ba jayaSuddha sullaBa
jaya padmanABa uDupina
jaya padmanABa uDupina SrlkRuShNa
jaya durjanarige atidura suvvi suvvi suvvAle ||pa||

surara SirOranna garuDavAhanane
karuNasaMpanna uDupina
karuNasaMpanna uDupina SrikRuShNa
SaraNAgO dhanya janarige ||1||

mEle satyalOka ALuva dhirane
SrilOlanaMGriBramarane
SrilOlanaMGriBramarane SrlkRuShNa
Sri mukyaprANag eraguve ||2||

rAmanaMGriya sEve prEmadiM MADida
SrimaMta namma hanumaMta
SrimaMta namma hanumaMtaneMdavage
kAmitArthagaLa koDuvane ||3||

BArata yuddhadali bAhubala torida
dhAriNISvara tilakane
dhAriNISvara tilakane Srl Blma
sArida janara salahuva ||4||

SuddhaSAstragaLiMda geddu vAdigaLanu
hoddida janara karuNadali
hoddida janara karuNadali horeva Srl
madhvamunipana Bajisuve ||5||

hariya satkaradalli karuNaMgaLoDane
duruLa vAdigaLa gelidane
duruLa vAdigaLa gelidane hRuShikESa
gurugaLaMGrige namisuve ||6||

dESa deSadoLuLLa duShivAdigaLannu
dushisi hariya mahimeyanu
dushisi hariya mahimeya mereda Srl
nRusiMhatirthayatirAya ||7||

advaitavAdigaLa geddu nirmalavappa
madhvamArgavanu jagakella
madhvamArgavanu jagakella torida ja-
nArdanatirthayatirAya ||8||

iMdireyarasana eMdeMdu pUjisi
maMdamAyigaLa kumatava
maMdamAyigaLa kumatava gelida u-
PEMdratirathayatirAya ||9||

I mahiyo LaguLLa tAmasa janarannu
Srimadhva munipana matadiMda
Srimadhvamunipana matadiMda KaMDisi
vAmanatirtharesedaru ||10||

dhira tApasarAgi gurumadhvamuniyanu
cArucaraNaMgaLa piDidirda
cArucaraNaMgaLa piDidirda SriviShNu-
tiratharaDige namisuve ||11||

kAmana nere aTTi SrimahAviShNuvE
SvAmi eMbudanu jagakkella
svAmi eMbudanu jagakkella torida
rAmatirathayatirAya ||12||

manumathanayyana Ganateya torisi
janara mOhagala biDisida
janara mOhagaLa biDisida adhOkShaja
munikulAgraNige namisuve ||13||

madhvakiMkararAda padmanABAryara
vidyAvaiBavagaLa pogaLuva
vidyAvaiBavagaLa pogaLuva kaviyAru
Suddha muniga Lige aLavalla ||14||

svadEva hayavadanana AvAga pujipa
pAvanna madhvamunipana
pAvanna mudhvamunipana SiShyarAda
dEvatAMSagaLa marehokke ||15||