Эболадан көз жұмған адамның мәйіті жанжал туғызды

Описание: Сьерра-Леоне астанасы Фритаун қаласында тұрғындар тәртіп сақшыларымен қақтығысып қалды. Бұған көшеден табылған адамның мәйіті себеп болды. Жиналғандар оны Эбола індетінен көз жұмған деп отыр. Және мәйіттің далада екі күн бойы жатқанын айтып, жергілікті биліктің еш әрекет жасамай отырғанына наразылықтарын білдірген. Рейтер агентігінің хабарлауынша, ашынған жұрт қаланың Абердин ауданында бөгеттер орната бастаған. Тәртіп сақшылары қала тұрғындарын тарату үшін көз жасаурататын газ қолданып, ауаға оқ атты. Қақтығыс салдарынан жарақат алғандардың бар-жоқтығы белгісіз.