පච්චය සූත්රය (පූජ්ය අලව්වේ අනෝමදස්සී ස්වාමීන්වහන්සේගේ දේශනාවක් ඇසුරෙන්)
Автор: සත්යයට මග | Sathyata Maga
Загружено: 2023-07-16
Просмотров: 2258
Описание:
පූජ්ය අලව්වේ අනෝමදස්සී ස්වාමීන්වහන්සේගේ දේශනාවක් ඇසුරෙන් ......
සම්පූර්ණ දේශනාව • සංයුත්ත නිකාය-2 දසබල වග්ග-3 - (2019.12.15...
පච්චය සූත්රය https://tipitaka.lk/sn-2-1-3-7
27. සාවත්ථියං-
අවිජ්ජාපච්චයා භික්ඛවෙ සඞ්ඛාරා, සඞ්ඛාරපච්චයා විඤ්ඤාණං පෙ එවමෙතස්ස කෙවලස්ස දුක්ඛක්ඛන්ධස්ස සමුදයො හොති.
කතමඤ්ච භික්ඛවෙ, ජරාමරණං? යා තෙසං තෙසං සත්තානං තම්හි තම්හි සත්තනිකායෙ ජරා ජීරණතා ඛණ්ඩිච්චං පාලිච්චං වලිත්තචතා ආයුනො සංහානි ඉන්ද්රියානං පරිපාකො, අයං වුච්චති ජරා. යා තෙසං තෙසං සත්තානං තම්හා තම්හා සත්තනිකායා චුති චවනතා භෙදො අන්තරධානං මච්චුමරණං කාලකිරියා ඛන්ධානං භෙදො කලෙබරස්ස නික්ඛෙපො ජීවිතින්ද්රියස්ස උපච්ඡෙදො, ඉදං වුච්චති මරණං. ඉති අයඤ්ච ජරා ඉදං ච මරණං ඉදං වුච්චති භික්ඛවෙ ජරාමරණං. ජාතිසමුදයා ජරාමරණසමුදයො, ජාතිනිරොධා ජරාමරණනිරොධො. අයමෙව අරියො අට්ඨඞ්ගිකො මග්ගො ජරාමරණනිරොධගාමිනී පටිපදා. සෙය්යථිදං: සම්මාදිට්ඨි සම්මාසඞ්කප්පො සම්මාවාචා සම්මාකම්මන්තො සම්මාආජීවො සම්මාවායාමො සම්මාසති සම්මාසමාධි.
කතමා ච භික්ඛවෙ, ජාති? යා තෙසං තෙසං සත්තානං තම්හි තම්හි සත්තනිකායෙ ජාති සඤ්ජාති ඔක්කන්ති නිබ්බත්ති අභිනිබ්බත්ති ඛන්ධානං පාතුභාවො ආයතනානං පටිලාභො, අයං වුච්චති භික්ඛවෙ ජාති. භවසමුදයා ජාති සමුදයො. භවනිරොධා ජාති නිරොධො. අයමෙව අරියො අට්ඨඞ්ගිකො මග්ගො ජාතිනිරොධගාමිනී පටිපදා. සෙය්යථීදං: සම්මාදිට්ඨි පෙ සම්මාසමාධි.
කතමො ච භික්ඛවෙ, භවො පෙ කතමඤ්ච භික්ඛවෙ උපාදානං පෙ කතමා ච භික්ඛවෙ තණ්හා පෙ කතමා ච භික්ඛවෙ වෙදනා පෙ කතමො ච භික්ඛවෙ ඵස්සො පෙ කතමං ච භික්ඛවෙ සළායතනං පෙ කතමං ච භික්ඛවෙ නාමරූපං පෙ කතමං ච භික්ඛවෙ විඤ්ඤාණං පෙ කතමෙ ච භික්ඛවෙ සඞ්ඛාරා තයො මෙ භික්ඛවෙ, සඞ්ඛාරා: කායසඞ්ඛාරො වචීසඞ්ඛාරො චිත්තසඞ්ඛාරො. ඉමෙ වුච්චන්ති භික්ඛවෙ, සඞ්ඛාරා. අවිජ්ජාසමුදයා සඞ්ඛාරසමුදයො. අවිජ්ජානිරොධා සඞ්ඛාරනිරොධො. අයමෙව අරියො අට්ඨඞ්ගිකො මග්ගො සඞ්ඛාරනිරොධගාමිනී පටිපදා. සෙය්යථිදං: සම්මාදිට්ඨි පෙ සම්මාසමාධි.
යතො ඛො භික්ඛවෙ, අරියසාවකො එවං පච්චයං පජානාති, එවං පච්චයසමුදයං පජානාති, එවං පච්චයනිරොධං පජානාති, එවං පච්චයනිරොධගාමිනිං පටිපදං පජානාති, අයං වුච්චති භික්ඛවෙ, අරියසාවකො දිට්ඨිසම්පන්නො ඉතිපි, දස්සනසම්පන්නො ඉතිපි, ආගතො ඉමං සද්ධම්මං ඉතිපි, පස්සති ඉමං සද්ධම්මං ඉතිපි, සෙඛෙන ඤාණෙන සමන්නාගතො ඉතිපි, සෙඛාය6 විජ්ජාය සමන්නාගතො ඉතිපි, ධම්මසොතං සමාපන්නො ඉතිපි, අරියො නිබ්බෙධිකපඤ්ඤො ඉතිපි, අමතද්වාරං ආහච්ච තිට්ඨති ඉතිපීති.
Web Site : https://anomadassi.lk/
All Sutta : https://suthra.lk/
All Sakachcha : https://suthra.lk/sakachcha
All Deshana : https://suthra.lk/deshana
Books : https://chasi.com/?page_id=43
Youtube Channel : / @ven.alawweanomadassithero4995
Повторяем попытку...
Доступные форматы для скачивания:
Скачать видео
-
Информация по загрузке:
