Sipërmarrësja shqiptare në Dubai për RTSH 24: Situata është kthyer në normalitet, por stresi mbetet

Описание: Në një lidhje të drejtpërdrejtë për studion e RTSH 24, sipërmarrësja shqiptare që jeton në Dubai, Arjola Disha, ka folur për gjendjen aktuale në rajon pas sulmeve të fundit në Lindjen e Mesme.

“Momentalisht, situata është e qetë dhe nuk ka asnjë shqetësim për momentin. Pas dy ditëve të para, situata është kthyer në normalitet. Shpresojmë që të mos agravojë më tej në ditët në vazhdim,” tha Disha për RTSH.

Duke treguar përjetimet e saj dhe të familjes, ajo shtoi se, “Situata nuk është e thjeshtë, që prej ditës së shtunë kur filluan sulmet. Duke qenë edhe familjare, e përjetojmë me më shumë stres, sepse ndjehet ankthi i të qenit prind. Deri tani duket sikur situata po menaxhohet mirë dhe po bëhet një punë fantastike në këtë drejtim.”

Ajo kujtoi natën e parë të sulmit, kur banorët u paralajmëruan përmes telefonave të fshiheshin dhe të siguronin jetën duke u larguar nga ambientet e ekspozuara.

“Kemi pasur alarm nëpër telefona natën e sulmit, ku na ftonte të fshihemi dhe të siguronim jetën. Pas asaj ngjarjeje, rutina ka ndryshuar dhe jemi bërë më shumë vigjilentë.”

Disha tregoi se ditët e para pas sulmit kanë qenë të mbushura me tension dhe prani të shtuar ushtarake.

“Ditët e para kemi parë shumë avionë luftarakë në fluturim, për të patrulluar situatën.”
RTSH 24 është një kanal informativ i paketës së RTSH. Informacionet vijnë në kohe reale nga gazetarët dhe lidhjet direkte nga terreni. Lidhje direkte për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. Qëllimi kryesor është informimi me paanshmëri i qytetarëve.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#RTSH24#RTSH#RadioTelevizioniShqiptar