Шымкентте 17 жастағы қызды күшпен алып қашқан жігіт қамауға алынды

Описание: Шымкентте 17 жастағы қызды күшпен алып қашқан жігіт қамауға алынды. Полиция "некеге тұруға мәжбүрлеу" бабымен іс қозғаған. Бірақ өзге отбасынан қашып келдім деген бойжеткен зорлық көргенін де айтып отыр. Ол аздай, әпке-жеңгелері қоқан-лоқы көрсетіп, күштеп орамал тақты. Еркімнен тыс некеге көндіруге тырысты дейді. Жәбірленуші мүлдем танымайтын 21 жастағы жігіттің қатаң жазаланғанын қалайды. Толығырақ әріптесім Назерке Үкібасова айтып берсін.
Келін келеді деп тыңғылықты дайындалған отбасы қызды думандатып күтіп алады. Қарсылық көрсетіп, айғайлағанына қарамастан бойжеткенді жігіт көтеріп үйге кіргізген. Некеден бас тартқанына қарамастан студенттің басына әпке-жеңгелері орамал таққан. Тұрмысқа шығуға көндіріп, қысым көрсетті дейді жәбірленуші.
Бөтен отбасынан қашып шықтым деген қыз кәмелет жасына толмағанымды ескерттім дейді. Соған қарамастан, жігіт жыныстық қатынасқа мәжбүрледі деп отыр. Ең сорақысы, зорлықты көре тұра туыстары араша түспеді деп ашынады.
ЖӘБІРЛЕНУШІ:
Дәстүріміз осындай, бұл үйден қыз болып шықпауың керек деді. Ары қарай оқуға бармайтынымды айтты. Жыныстық қатынасқа мәжбүрлі түрде түсірді. Зорлық-зомбылықтан кейін қандай хәлде болғаныма ешкім қарамады.
Полиция 21 жастағы күдіктіні қамауға алып, "некеге тұруға мәжбүрлеу" бабымен іс қозғап, тергеу жұмыстарын бастаған.
ШЫМКЕНТ ҚАЛАСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
ҚР ҚК 125-бабымен «некеге тұруға мәжбүрлеу» қылмыстық іс қозғалды. Барлық қатысушылар полиция басқармасына жеткізілді. Күдікті уақытша ұстау изоляторына қамалды. Қазіргі таңда істің барлық мән-жайын анықтауға бағытталған кешенді тергеу іс-шаралары жүргізілуде.
Көрген қорлығым көп деген 17 жастағы қыз жігіт пен жақындарының қатаң жазаға тартылғанын сұрайды. Айта кетейік, заң бойынша қыз алып қашу қылмыс. Кінәлі адамға жеті жылға дейін жаза қарастырылған.



#Информбюро #31арна #БастыЖаңалықтар #Новости #31канал