星光路上足本版｜杜平返港會老友聲如洪鐘 勉強隨妻移民轉心態變天堂
Автор: TVB 娛樂新聞台
Загружено: 2024-01-14
Просмотров: 1878
Описание:
星光路上足本版｜杜平返港會老友聲如洪鐘 勉強隨妻移民轉心態變天堂
80年代移民澳洲嘅一代粵語片當紅小生 杜平 近日回港，除咗同唔少當年老友見面之外，呢日亦接受咗《星光路上》 潘盈慧 嘅訪問，同大家分享由電影界華麗轉身成為《歡樂今宵》臺柱，仲有之後與家人移居南半球嘅故事。
被稱為「杜扁」嘅杜平叔，疫情平復後返港同老友見面，亦再次重遊電視城。雖然已經非廣播道嗁舊地，不過一提起當年入行嘅小故事依然津津有味，當年投考電影公司過五關斬六將，擊退數百競爭者，被通知再於一眾紅星面前複試，行Catwalk唸對白嚇到腳仔軟，仲因為夠坦率而獲招攬。
出其不意入行成為演員，只係一張白紙嘅杜平撞板多過食飯，不過白紙嘅好處就係不斷吸收，慢慢就成為粵語片當紅小生。當年南洋登台就如遊車河一樣輕鬆平常，杜平叔仲因為 薛家燕 邀請誤打誤撞而一跳入公仔箱，成為EYT早期嘅臺柱。
以當年嘅技術，直播電視節目基本上非常依靠藝人嘅真功夫，杜平就話EYT每日日常就係下午2點返工，就要死記狂背唔同對白同廣告，日積月累之下急才執生嘅好武功就如同身體一部份駕輕就熟喇。
唔止有花名叫「杜扁」，杜平叔仲有一個被讚譽稱號叫「犀利」，亦係因為當年嘅直播廣告所收穫。雖然當年成功地街知巷聞，不過突然急流勇退，決定與家人移居澳洲，本來打算短住一年半載，點知就被輕鬆嘅生活步調吸引，慢慢就決定長居享受生活。
由燈紅酒綠嘅演藝生活，到當地後重拾與家人千金難買嘅相聚時光，杜平叔大讚呢個轉變Very Good。雖然不時仍心繫香港同演出，不過當真正有邀請送到手上，佢依然決定回歸平淡。
有人話移居外地係「好山好水好無聊」，不過杜平叔就認為只要自得其樂分配好時間，自然可以有不同於以往嘅新生活。靈活轉型飲食業結果就係大受歡迎，當年隨妻到當地嘅佢，念頭一轉亦自然更為享受。
去年中慶祝60周年鑽石婚，比時下速成感情堅實又穩固得多，杜平叔亦分享夫妻相處之道，嗌交屬平常事，最重要係感恩對方付出。
已屆近90高齡嘅佢思路清淅又精靈，杜平叔估計係因為冇壓力又非常注重保健養生嘅效果，仲指會不時返港同大家繼續見面。亦預祝25號生日嘅杜平叔身體狀健，繼續笑看人生。
#星光路上 #杜平 #杜扁 #犀利 #粵語片 #小生 #歡樂今宵 #臺柱 #澳洲 #移民 #鑽石婚 #生日 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0
Повторяем попытку...
Доступные форматы для скачивания:
Скачать видео
-
Информация по загрузке:
