BSQ-lər necə təşkil edilir? - Məktəbdən reportaj

Описание: Ölkə üzrə bütün ümumi təhsil müəssisələrində böyük summativ qiymətləndirmələr keçirilir.

Summativ qiymətləndirmə necə təşkil edilir? Suallar necə hazırlanır və yoxlanılır?

BSQ-lər həm ənənəvi qaydada, həm də müvafiq texniki imkanlara malik məktəblərdə rəqəmsal formada təşkil olunur. Bu gün baş çəkdiyimiz 193 nömrəli tam orta məktəbdə də şagirdlər BSQ üçün onlara təqdim olunmuş test tapşırıqları ilə bilik və bacarıqlarını sınaqdan keçirdilər.

“Müasir metodist” layihəsi çərçivəsində məktəbdə fəaliyyət göstərən Ləman Heydərli müəllimlərə metodik dəstək göstərir. O bildirir ki, bu il ilk dəfə olaraq 4-cü və 6-cı siniflər üzrə BSQ-lər mərkəzləşdirilmiş qaydada həyata keçirilir. Bəs bu prosesin təşkilində metodistlərin rolu nədən ibarətdir?

Bəs Məktəbəqədər və Ümumi Təhsil üzrə Dövlət Agentliyi bu prosesdə hansı funksiyaları icra edir? Qurumdan Təhsil TV-yə bildirilib ki, BSQ məktəbdaxili qiymətləndirmənin tərkib hissəsidir və onun keçirilməsi Elm və Təhsil Nazirliyinin Kollegiyasının qərarı ilə təsdiq edilmiş “Ümumi təhsil pilləsində təhsilalanların attestasiyasının aparılması Qaydası” ilə tənzimlənir.

Qaydaya əsasən, böyük summativ qiymətləndirmələr ildə iki dəfə, yarımillərin sonunda ümumi təhsil müəssisəsinin rəhbərliyi tərəfindən həyata keçirilir. Agentlik BSQ-lərin qaydalara uyğun şəkildə, vaxtında və düzgün seçilmiş qiymətləndirmə vasitələri əsasında aparılmasına nəzarət edir.

Qeyd olunub ki, bu ildən etibarən bütün şagirdlərin KSQ və BSQ nəticələrinin vahid məlumat bazasında toplanmasına da başlanılıb.

#təhsiltv #bsq #məktəb #qiymətləndirmə #reportaj #sinif #şagird #summativ

Bizi İzləyin:
Whatsapp: https://whatsapp.com/channel/0029VaLI...
Facebook:   / tehsiltv  
Instagram: https://tinyurl.com/yc7da43x
Teleqram: https://t.me/mediaeduaz
Copyright © TƏHSİL TV