Interview with Daw Htu May

Описание: ■ငြိမ်းချမ်းရေး စာစောင် (အမတ်-၂)■
✥✥လက်ရှိငြိမ်းချမ်းရေးဖြစ်စဉ်နှင့် နိုင်ငံရေးနယ်ပယ်မှ အမြင်သဘောထားတချို့✥
⇝ ဒေါ်ထုမေ (အမျိုးသားလွှတ်တော် ကိုယ်စားလှယ်) နှင့် တွေ့ဆုံမေးမြန်းခြင်း ⇜

⇝⇝⇝⇝⇝⇝✥⇜⇜⇜⇜⇜⇜
မင်္ဂလာပါ။ CDES က နှုတ်ခွန်းဆက်သပါတယ်။
တိုင်းရင်းသားလူမျိုးများ ဖွံ့ဖြိုးရေးနှင့် သုတေသနအသင်း (CDES) မှ ငြိမ်းချမ်းရေးစာစောင် အမှတ်စဉ် (၁) ကို ၂၀၂၀၊ မတ်လတွင် ထုတ်ဝေနိုင်ခဲ့ပါသည်။ ထိုအမှတ်စဉ် (၁) တွင် ယနေ့ ကျွန်တော်တို့တိုင်းပြည်၌ ကြိုးပမ်းဖော်ဆောင်နေသော ငြိမ်းချမ်းရေးဖြစ်စဉ်တွင် ဘာသာရေးခေါင်းဆောင်ကြီးများ၏ အခန်းကဏ္ဍကို ဦးစားပေးပြီး ခရစ်ယာန်ဘာသာ၊ ဗုဒ္ဓဘာသာ၊ အစ္စလာမ်ဘာသာနှင့် ဟိန္ဒူဘာသာရေးခေါင်းဆောင်ကြီးများ၏အမြင်ကို စုစည်းတင်ပြနိုင်ခဲ့ပါသည်။

ဘာသာရေးခေါင်းဆောင်ကြီးများသည် လူ့အဖွဲ့အစည်းကို ဦးဆောင်လမ်းညွှန်ရာတွင် နိုင်ငံရေးအာဏာများ ကို အသုံးမပြုကြပေ။ မေတ္တာတရား၊ သစ္စာတရားနှင့် သမ္မာတရားများကို အခြေခံသော 'သြဇာ'ကိုသာ အသုံး ပြုကြပေသည်။ ဘာသာရေးသြဇာကို အသုံးပြု၍ ပြည်တွင်းငြိမ်းချမ်းရေးကြိုးပမ်းမှုကို လေ့လာသုံးသပ်ပြီး နောက် ယခုထုတ်ဝေသော ငြိမ်းချမ်းရေးစာစောင် အမှတ် (၂) တွင် နိုင်ငံရေးခေါင်းဆောင်ကြီးများ၏ ပြည်တွင်း ငြိမ်းချမ်းရေးကြိုးပမ်းမှုအပေါ်အမြင်နှင့် သဘောထားများကို တင်ဆက်သွားမည်ဖြစ်ပါသည်။ နိုင်ငံရေးပါတီ များနှင့် နိုင်ငံရေးခေါင်းဆောင်ကြီးများသည် နိုင်ငံရေးအာဏာကို လက်ဝယ်ရရှိရန် ကြိုးပမ်းနေသူများ ဖြစ်ကြ ပါသည်။ ထိုကဲ့သို့ နိုင်ငံရေးအာဏာကို လက်ဝယ်ရရှိရန် ရွေးကောက်ပွဲကို ပါဝင်ဆင်နွှဲကြရမည်ဖြစ်ပါသည်။ ထို့ကြောင့် ၂၀၂၀ မကုန်မီ ကျင်းပရန်ရှိသောရွေးကောက်ပွဲတွင် နိုင်ငံရေးပါတီအသီးသီးမှ ခေါင်းဆောင်ကြီး များက ပြည်တွင်းငြိမ်းချမ်းရေးကို မည်ကဲ့သို့သော မူဝါဒနှင့် ပေါ်လစီများ ချမှတ်၍ လူထုတရပ်လုံးကို စည်းရုံး မဲဆွယ်ကြမည်နည်းဟူသောအမြင်သည် ငြိမ်းချမ်းရေးကို လက်တွေ့အကောင်အထည်ဖော်ရာတွင် အထူးပင် အရေးကြီးမည်ဖြစ်ပါသည်။ ထို့အပြင် ငြိမ်းချမ်းရေးဖော်ဆောင်ခြင်းသည် ရွေးကောက်ပွဲအတွက် မဲဆွယ် စည်းရုံးရေးတွင် အဆုံးမသတ်သင့်ပေ။ ရွေးကောက်ပွဲတွင် အနိုင်ရရှိသော နိုင်ငံရေးပါတီများအနေဖြင့် ငြိမ်းချမ်းရေးကို အစိုးရပေါ်လစီတရပ်အဖြစ် ချမှတ်၍ အကောင်အထည်ဖော်ရန် အလွန်အရေးကြီးပါသည်။

တိုင်းရင်းသားလူမျိုးများ ဖွံ့ဖြိုးရေးနှင့် သုတေသနအသင်း (CDES) မှ ဤစာအုပ်အတွက် မေးခွန်းများကို မေးမြန်းခြင်းသာဖြစ်၍ ဖြေကြားချက်များသည် ပါတီအသီးသီး၏ နိုင်ငံရေးခေါင်းဆောင်ကြီးများ၏အမြင်နှင့် သဘောထားများသာလျှင်ဖြစ်ပါကြောင်း လေးစားစွာ တင်ပြအပ်ပါသည်။
■--------------------------■
စာအုပ် ရယူရန် - http://cdes.org.mm/book_detail/152
#CDES #Myanmar #Peace_Process #NCA #EAOs #Political_Leaders #Interview #Research