⚡️أفراح ال كبيده⚡️ كلمات : محمد ال درعه اداء : جفران بن هضبان
Автор: Almarri
Загружено: 2022-07-06
Просмотров: 35653
Описание:
الكلمات :
سوق الشعر مثل التجاره في نزول وفي صعود
اما لقاء من يرفعه ولا لقاء من يخفضه
غير الله يعمر نباء اللي عمره والله يكود
اللي هبوب النود تشلع ماعمر وتقضقضه
الهزل وجهه هابي وراسه من القمه يحود
الفكر ماوفى ب غرضه والشعر ماوفى ب غرضه
ماكنه الا السكر اللي ف الاودام له حدود
الى ارتفع جاب انفضه والى نزل جاب انفضه
لاكن ما يقطع ضماء الشاعر ويرده العدود
الا القصيد الفارق اللي مايدور لعوضه
حتى لو الشاعر على الابداع والشعر محسود
يصادف اللي ينهضه ويصادف اللي يدحضه
طلع ب فضل الله طلوعً يبشم لسان الحقود
وحط الخصوم المغرضه على الخصوم المغرضه
قصيده يداوي كبود الروس ويكوي كبود
اللي المشرق ترقضه واللي المغرب تقرضه
ولعيون ابوصالح يعصب الراس ويلح الجهود
وفي محفله ينقا عيون اطيب قصيده وابهضه
يابن كبيده لا تخايل غن وارقاء بي سنود
مدام فعلك يطلق لسان القصيد وينهضه
زحلً تقود المرجله قود النضاء فج العضود
والشعر فعلك يطلقه والمدح طيبك يفرضه
نسل الزحول اللي تقعد الحل وتحل العقود
والسلم ماهي تجهله والعهد ماهي تنقضه
جدك راع العطاء زبون المعضله منصا الحشود
حيف الحفيف الشره وانحاز المعادي ومرضه
منصا هشاشيل الخلا اللي قادها الاجحاف قود
وذرور عين الشاهم اللي فيه فظه وغلضه
وخالك رفيع السمعه اللي جعله جنان الخلود
الشايب اللي سجل التاريخ مجده واحفظه
مايجحد اسم ابن الصعيدي كون رجالً جحود
سالم ملاذ اللي حداه الوقت والحيف الحظه
دويت مع ذكره وذكر اللي يعد لهم عدود
ونسيت ارحب باسم ابوراشد عسا الله يحفظه
يامرحبا ترحيبت تقناء عريبين الجدود
باسم ابلجً ماهو يصر المال وسط المحفظه
وبسم ال كبيده فارقين الطيب وافين العهود
اللي نباهم دك هاجوس القصيد وهيضه
يامرحبا على شذا المربوبه وشط القعود
عد البروق اللي لها ورا المراديم ومضه
في حلتةً ماتذعر الا ريح بن وريح عود
وترحيب اهلها ياخذ الرجال منه موعضه
روسً حللهم ماتبنا الا على روس الرجود
يوم الزمان مكشرً وجهه وعينه مجحضه
ربوعنا النابت ذرا حم الذرا طفح الهود
ذخاير الشده ومرضاف النفوس المبغضه
هل رايةً ماهي تداس وصملةً تروي الورود
مهم ب صيدً من بغا يقبضه بالهون قبضه
تقضي على اللي ف الوجود ان حولت على الوجود
والشره تاطا جلمده والمستطيش تروضه
وتارد على الهيجاء ورود اللي عن ربوعه يذود
الى غدا ل الخيل عكنانه ول الجمع عفضه
قبيلةً ماترث الا كل زحل وكل طود
يومي على الناير ومن راس القعيده ينفضه
تاريخهم وقعً عليه الله وخلق الله شهود
ماهوب مصنوعً ب صفصاف الحكي والفضفضه
تاريخهم زودً يزود ويفحم اللي فيه زود
ويطلق لسان الشاعر ان فاخربه وعد بعضه
Повторяем попытку...
Доступные форматы для скачивания:
Скачать видео
-
Информация по загрузке:
